କୁଚିଣ୍ଡା- ଉପଖଣ୍ଡ ପ୍ରତିନିଧି (ଅଜୟ କୁମାର ବାଘ) : ସମ୍ବଲପୁର ଜିଲ୍ଲା କୁଚିଣ୍ଡା -ଭୋଜପୁର ୪୯ନଂ ଜାତୀୟ ରାଜପଥ ରାସ୍ତା କଡ଼ ବିଲରେ ଥିବା ଏକ ମହୁଲ ଗଛରୁ ଗାଡ଼ି ଡ୍ରାଇଭରଙ୍କ ଝୁଲନ୍ତା ମୃତ ଦେହ ଉଦ୍ଧାର କରାଯାଇଛି l ମୃତ ଡ୍ରାଇଭର ଜଣକ ହେଲେ କୁଚିଣ୍ଡା ଥାନା କୁଚିଣ୍ଡା-ସର୍ଗିଡିହି ୱାର୍ଡ ନଂ-୪ ଗ୍ରାମର ଅକ୍ଷୟ ପାଣି(୪୫) ରାସ୍ତା କଡ଼ରୁ ସେ ବ୍ୟବହାର କରୁଥିବା ପିକ୍ଅପ ଗାଡ଼ିକୁ ମଧ୍ୟ ପୋଲିସ ଜବତ କରିଛି l ସୂଚନାନୁସାରେ ପିକ୍ଅପ ଗାଡ଼ିକୁ ନେଇ କୁଚିଣ୍ଡା ରୁ  ଭୋଜପୁର ପଟକୁ ଯାଉଥିବା ବେଳେ ତବଲାକଟା-ଡୁମେରମୁଣ୍ଡା ପାଖାପାଖି ଏକ  ମହୁଲ ଗଛରେ ରଶିରେ ଝୁଲୁଥିବା ଲୋକେ ଦେଖି ଥିଲେ l କୁଚିଣ୍ଡା ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ଥିଲେ l ତେବେ ଅକ୍ଷୟଙ୍କ ଆଣ୍ଠୁରୁ ତଳକୁ ମାଟିରେ ଲାଗିଥିବାରୁ ସେ ନିଜେ ଆତ୍ମହତ୍ୟା ନା ତାଙ୍କୁ ଅନ୍ୟ କେହି ମାରି ଦେଇ ଗଛରେ ଝୁଲାଇ ଦେଇଥିବା ମୃତ୍ୟୁକୁ ନେଇ ସନ୍ଦେହ ପ୍ରକାଶ ପାଇଛି l ମୃତ ଅକ୍ଷୟଙ୍କ ସ୍ତ୍ରୀ ଓ ଦୁଇଟି ସନ୍ତାନ ଅଛନ୍ତି l