ନୂଆପଡା.(ଅମିତ ପୁରୋହିତ ); ନୂଆପଡା ଜିଲ୍ଲା ଖଡିଆଳ ଥାନା ଅନ୍ତର୍ଗତ ବହଲପଦର ଗାଁରେ ଏକ ଲଜ୍ଜ୍ୟା ଜନକ ଘଟଣା ଘଟିଯାଇଛି । କାକା ହୋଇ ନିଜ ଝିଆରୀକୁ ବଳାତ୍କାର କରିଥିବା ଅଭିଯୋଗ ହୋଇଛି । ଏନେଇ ଝିଆରୀ ର ପରିବାର ଲୋକେ କାକା ବିରୁଦ୍ଧରେ ଖଡିଆଳ ଥାନାରେ ଏତଲା ଦେଇଛନ୍ତି । ହେଲେ ପୋଲିସ ସନ୍ତୋଷ ଜନକ ପଦକ୍ଷେପ ଗ୍ରହଣ କରୁ ନ ଥିବାରୁ ପିଡିତାଙ୍କ ପରିବାର ଲୋକେ ଅସନ୍ତୋଷ ପ୍ରକାଶ କରିଛନ୍ତି ।
ସୂଚନାନୁସାରେ ଗତ ୧୮ ତାରିଖ ରାତ୍ରୀ ପ୍ରାୟ ୮ ଟା ସମୟରେ ବହଲପଦର ଗାଁର ତରଣୀ ଠେଲାଙ୍କ ଝିଅ ବନିତା (ଛଦ୍ମନାମ) ତାର ଭାଣଜିର ଜନ୍ମ ଦିନ ପାଳନ ପାଇଁ ନିଜ ଭଉଣି ଘରକୁ ଯାଇଥିଲେ । ରୋସେଇ କାମରେ ଭଉଣିକୁ ସହାଯ୍ୟ କରିବା ଉଦ୍ଦେଶ୍ୟରେରେ ବନିତା ପାଣି ଆଣିବା ପାଇଁ ବାହାରକୁ ଯାଇଥିଲେ । ପୂର୍ବରୁ ପ୍ରସ୍ତୁତ ଥିବା ବନିତାର କାକା ବନିତାଙ୍କ ମୁହଁରେ କନା ଗୁଡାଇ ଜୋରଜବରଦସ୍ତ ଟେକି ନେଇ ଦୁଷ୍କର୍ମ କରିଥିବା କଥା ବନିତା ଅଭିଯୋଗ କରିଛନ୍ତି । ଏନେଇ ବନିତା ଓ ତାଙ୍କର ପରିବାର ଲୋକେ ଖଡିଆଳ ଥାନାରେ ଅଭିଯୁକ୍ତ କାକା ଙ୍କ ବିରୁଦ୍ଧରେ ଏତଲା ଦେଇଛନ୍ତି । ହେଲେ ଦୁଷ୍କର୍ମ କରିଥିବା ନିଜର କାକା ଙ୍କ ବିରୁଦ୍ଧରେ ଖଡିଆଳ ପୋଲିସ କୈାଣସି କାର୍ଯ୍ୟାନୁଷ୍ଠାନ ଗ୍ରହଣ କରୁ ନ ଥିବାରୁ ପିଡିତା ଓ ତାର ପରିବାର ଅସନ୍ତୋଷ ପ୍ରକାଶ କରିବା ସହ ନ୍ୟାୟ ଅପେକ୍ଷାରେ ରହିଛନ୍ତି । କାକା ହୋଇ ନିଜର ଝିଆରୀ ପ୍ରତି କରିଥିବା ଏପରି ଘୃନ୍ୟ କାମକୁ ସବୁ ବର୍ଗରେ ନିନ୍ଦା କରାଯାଇଛି । ଏନେଇ ନୂଆପଡା ଏସପି ରାହୁଲ ଜୈନ କୁ ପଚାରିବାରୁ ଏତଲାକୁ ଭିତ୍ତି କରି ଅଭିଯୁକ୍ତ ବିରୁଦ୍ଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଶ୍ରୀ ଜୈନ କହିଛନ୍ତି ।
