ମାଲକାନଗିରି/ବି ଶ୍ରୀନିବାସ ପାତ୍ର : ଜିଲ୍ଲାରେ ପୋଲିସ ଅଧିକାରୀ ଙ୍କ ଉନ୍ମତ କାଣ୍ଡ । ମହିଳାଙ୍କ ଉପରକୁ ଛୁରୀ ରେ ଆକ୍ରମଣ କଲେ ପୋଲିସ ଅଧିକାରୀ ଚନ୍ଦ୍ର ଶେଖର ହଜାରି । ଆଜି ସନ୍ଧ୍ୟାରେ ମାଲକାନଗିରି ସଦର ସ୍ଥିତ ଆଶ୍ରିବାଦ କଲୋନୀ ରେ ବାସ କରୁଥିବା ପୋଲିସ ଏ ଏସ ଆଇ ଚନ୍ଦ୍ର ଶେଖର ଏବଂ ଅନ୍ୟଜଣେ ବାସିନ୍ଦା ସୁନାମଣି କଂସାରି ଙ୍କ ମଧ୍ୟରେ କୌଣସି ଏକ କାରଣରୁ ବଚସା ହୋଇଥିଲା । ଏହା ମଧ୍ୟରେ ସ୍ଥିତି ଉତ୍ତେଜନା ମୂଳକ ହେବାପରେ ପୋଲିସ ଏ ଏସ ଆଇ ଚନ୍ଦ୍ର ଶେଖର ସୁନାମଣି ଙ୍କ ଉପରକୁ ଏକ ଧାରୁଆ ଛୁରୀରେ ଆକ୍ରମଣ କରିଥିବା ଜଣା ପଡିଛି । ଏହି ଆକ୍ରମଣ ରେ ସୁନାମଣି ଙ୍କ ଗୋଟିଏ ଆଖିରେ ଗଭୀର ଆଘାତ ଲାଗିଥିଲା । ଗୁରୁତର ଅବସ୍ଥାରେ ସୁନାମଣି ଙ୍କୁ ମାଲକାନଗିରି ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି । ଅନ୍ୟପଟେ ଘଟଣା କୁ ନେଇ ସ୍ଥାନୀୟ ଅଞ୍ଚଳରେ ଉତେଜନା ପ୍ରକାଶ ପାଇଥିବା ବେଳେ ସମ୍ପୃକ ପୋଲିସ ଅଧିକାରୀ ଙ୍କ ବିରୋଧ ରେ ଏକ ମାମଲା ରୁଜୁ ହୋଇଛି । ସ୍ଥାନୀୟ ଲୋକଙ୍କ କହିବା ଅନୁଯାୟୀ ପୂର୍ବରୁ ମଧ୍ୟ ଉଭୟ ପରିବାର ମଧ୍ୟରେ ଏଭଳି ଝଗଡା ହେଉଥିବା ବେଳେ ଆଜି ଏଭଳି ଅଘଟଣ ଘଟିଛି ।