ସମ୍ବଲପୁର (ରମାକାନ୍ତ ବିଶ୍ବାଳ ): ଗଙ୍ଗାଧର ମେହେର ମହାବିଦ୍ୟାଳୟର ପୂର୍ବତନ ଇଂରାଜୀ ପ୍ରାଧ୍ୟାପକ ସଞ୍ଜୟ ପାଣିଗ୍ରାହୀଙ୍କ ପରଲୋକ ହୋଇଯାଇଛି | ସେ ଦୀର୍ଘ ୨୨ ଦିନ ହେବ କୋରନାରେ  ପୀଡିତ ହୋଇ କଟକର ଅଶ୍ୱିନୀ ହସ୍ପିଟାଲରେ ଚିକିତ୍ସିତ ହେଉଥିଲେ | ମୃତ୍ୟୁ ବେଳକୁ ତାଙ୍କୁ ୬୪ ବର୍ଷ ବୟସ ହୋଇଥିଲା | ତାଙ୍କ ବାପା ବରିଷ୍ଠ ପ୍ରଶାସକ ତଥା ଅବିଭକ୍ତ ସମ୍ବଲପୁର ଜିଲ୍ଲାର ପୂର୍ବତନ ଅତିରିକ୍ତ ଜିଲ୍ଲାପାଳ କମଳାକାନ୍ତ ପାଣିଗ୍ରାହୀ ମଧ୍ୟ ଗତ ମାସ ୨୨ ତାରିଖରେ  କରୋନାରେ ଦେହାନ୍ତ ହୋଇଥିଲା | ତେବେ ତାଙ୍କ ପତ୍ନୀ ଗଙ୍ଗାଧର ମେହେର ମହାବିଦ୍ୟାଳୟର ପୂବତନ ଅଧ୍ୟକ୍ଷ ସ୍ମିତା ଦେବୀ କୋରନାରେ ଆକ୍ରାନ୍ତ ହୋଇ ନିକଟରେ ସୁସ୍ଥ ହୋଇଥିଲେ | ତାଙ୍କ ଭାଇ ଡ଼.ତନ୍ମୟ ପାଣିଗ୍ରାହୀ ଓ ଦୁଇ ଝିଅ ଚିତ୍ରଲେଖା, ଡିଂପଲି  ଆମେରିକା ରେ ରହୁଛନ୍ତି | ଆଜି ଭୁବନେଶ୍ୱର ଠାରେ କରୋନା ନିୟମ ମୁତାବକ ତାଙ୍କ ଶେଷକୃତ୍ୟ ସମ୍ପର୍ଣ୍ଣ ହୋଇଥିଲା | ଚଳଚ୍ଚିତ୍ର ଅଭିନେତ୍ରୀ ଅପରାଜିତା ମହାନ୍ତି , ଅଭିନେତା ବାବୁସାନ ମହାନ୍ତିଙ୍କ ସହ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତି ଥିଲେ | ପ୍ରାଧ୍ୟାପକ ସଞ୍ଜୟ ପାଣିଗ୍ରାହୀଙ୍କ ବିୟୋଗରେ ପୂର୍ବତନ ବିଧାୟିକା ତଥା ବିଜେଡି ନେତ୍ରୀ ଡ଼ା. ରାସେଶ୍ୱରୀ ପାଣିଗ୍ରାହୀ,ରାଜ୍ୟ ସରକାରଙ୍କ ଉପ ମୁଖ୍ୟ ସଚେତକ ଇଂ.ରୋହିତ ପୂଜାରୀ ପ୍ରମୁଖ ଶୋକ ବ୍ୟକ୍ତ କରିଛନ୍ତି | ସ୍ବର୍ଗତ ସଞ୍ଜୟ  ପାଣିଗ୍ରାହୀ ପୂର୍ବତନ ବିଧାୟିକା ତଥା ବିଜେଡି ନେତ୍ରୀ ଡ଼ା ରାସେଶ୍ୱରୀ ପାଣିଗ୍ରାହୀଙ୍କ ପୁତୁରା ଅଟନ୍ତି ।