ଏନ ଏ ସି ପରିସରରୁ ଝୁଲନ୍ତା ମୃତଦେହ ଉଦ୍ଧାର
ବରଗଡ :- ପଦ୍ମପୁର ଏନ. ଏ. ସି. କାର୍ଯ୍ୟାଳୟ ପରିସର ରୁ ଜଗୁଆଳି ଙ୍କ ଝୁଲନ୍ତା ଦେହ ଉଦ୍ଧାର, ହତ୍ୟା ସନ୍ଦେହ ରେ ଘଟଣା ସ୍ଥଳରେ ପୋଲିସ ର ତଦନ୍ତ ଜାରି, ପଦ୍ମପୁର ବିଜ୍ଞାପିତ ଅଞ୍ଚଳ ପରିଷଦ ଠାରେ କାର୍ଯ୍ୟରତ ଜଗୁଆଳି କରଣକେଶୀ ବହାଦୁର ଙ୍କ ଝୁଲନ୍ତା ମୃତ ଦେହ ଆଜି ସକାଳୁ ଦେଖୁବାକୁ ମିଳିଥିଲା । ପ୍ରତିଦିନ ସଫେଇ ପାଇଁ ଆସୁଥିବା କର୍ମଚାରୀ ମାନେ ସକାଳୁ ଆସି କାର୍ଯ୍ୟାଳୟ ପରିସରକୁ ପ୍ରବେଶ କରିବା ପରେ କାର୍ଯ୍ୟାଳୟ ପଛପଟେ ଥିବା ବାରଣ୍ଡା ରେ ଜଗୁଆଳି ଙ୍କ ଝୁଲନ୍ତା ମୃତ ଦେହ ଦେଖିଥିଲେ । ଏ ନେଇ ସେମାନେ ଆଖ ପାଖା ଲୋକ ଏବଂ ଉଚ୍ଚ ଅଧିକାରୀ ଙ୍କୁ ଜଣାଇବା ପରେ ବର୍ତମାନ ପୋଲିସ ପହଂଚି ଘଟଣା ର ତଦନ୍ତ ଜାରି ରଖିଛି। ଏଠାରେ ସୂଚନାଯୋଗ୍ୟ ଯେ ଆଉ କିଛି ମାସ ପରେ ମୃତକ ଚାକିରିରୁ ଅବସର ନେଇଥାନ୍ତେ ।
