ମେଲଛାମୁଣ୍ଡା,(ଶାସକପ୍ରଶାସକ) ବରଗଡ ଜିଲ୍ଳା ମେଲଛାମୁଣ୍ଡା ଥାନା ଅର୍ନ୍ତଗତ ସମାରପାଲିରେ ଏକ ଗଣ୍ଡଗୋଲ ଘଟି ଗୌରିଶଙ୍କର ସାହୁ ନାମକ ଜଣେ ବ୍ୟକ୍ତି ଆହତ ହେବା ସହ ମେଲଛାମୁଣ୍ଡା ଥାନାର ଦ୍ୱାରସ୍ଥ ହୋଇଛନ୍ତି । ଏ ନେଇ ମେଲଛାମୁଣ୍ଡା ଥାନାରେ ୧୪୩/୨୦ ଦଫା ୩୪୧,୩୨୩,୨୯୪, ୩୨୫, ୪୨୭, ୫୦୬ ଆଇପିସିରେ ଅଭିଯୁକ୍ତ କିଶୋର ମହାନନ୍ଦ ବିରୁଦ୍ଧରେ ଏକ ମାମଲା ରୁଜୁ କରି ଏଏସଆଇ ଦିଲିପ ଦେହୁରି ତଦନ୍ତ କରୁଛନ୍ତି ।
ପ୍ରାପ୍ତସୂଚନାନୂସାରେ ସମାରପାଲିର ଗୌରଶଙ୍କର ସାହୁଙ୍କ ନାବାଳକ ପୁଅକୁ ସେହି ଗ୍ରାମର କିଶୋର ମହାନନ୍ଦ କୌଣସି କଥାକୁ ନେଇ ମାଡ ମାରିଥିଲା । ମାଡ ଯୋଗୁ ନାବାଳକର କାନରୁ ରକ୍ତ ସ୍ରାବ ହୋଇଥିଲା । ନାବାଳକର ବାପା ଏହା ଦେଖି କିଶୋର ମହାନନ୍ଦକୁ କାହିଁକି ତାଙ୍କ ପୁଅକୁ ମାଡ ମାରି ରକ୍ତ ବାହାର କରିଛୁ ବୋଲି କହିବାରୁ ଅଭିଯୁକ୍ତ କିଶୋର ମହାନନ୍ଦ କୁଆଡେ ପୁଣି ଗୌରିଶଙ୍କରର ଘର ସମ୍ମୁଖକୁ ଦୌଡିଆସି ଘର ସମ୍ମୁଖରେ ଥିବା ବାଇକକୁ ପଥରରେ ଭାଙ୍ଗି ଦେବା ସହ ଘର ଉପରକୁ ଫିଙ୍ଗିଥିଲା । ଯଦ୍ୱାରା ଘରର ଖପର ଗୁଡାକ ଭାଙ୍ଗିବା ସହ ଦୁଇଟି ପଥର ଗୌରିଶଙ୍କରର ଡାହାଣ ଗୋଡରେ ବାଜି ରକ୍ତ ସ୍ରାବ ହେବା ସହ ଖଣ୍ଡିଆ ହୋଇଯାଇଛି । ଆହୁରି ମଧ୍ୟ ଜୀବନରେ ମାରିଦେବା ପାଇଁ ଅଭିଯୁକ୍ତ ଜଣକ ଧମକ ଦେଇଥିବା ପିଡିତ ଜଣକ ଥାନାରେ ଲିଖିତ ଅଭିଯୋଗ କରିଛନ୍ତି । ରିପୋଟ ଲେଖାଯିବା ପର୍ଯ୍ୟନ୍ତ ଅଭିଯୁକ୍ତକୁ ପୁଲିସ ଗିରଫ କରୁ ନ ଥିବାରୁ ଅଭିଯୋଗକାରୀ କ୍ଷୋଭ ପ୍ରକାଶ କରିଛନ୍ତି ।
