ମାଲକାନଗିରି/ ବି ଶ୍ରୀନିବାସ ପାତ୍ର : ମାଗଣା ସ୍କୁଟି ଯୋଗାଇବା ନାଁ ରେ ଠକୁ ଥବା ଓ ସ୍କୁଟି ରେଜିଷ୍ଟ୍ରେସନ ଟଙ୍କା ଆଦାୟ କରୁ ଥିବା ବେଳେ ମାଲକାନଗିରି ପୁଲିସ ଦ୍ବାରା ଦୁଇ ଅନଲାଇନ ଲୁଟେରା ଗିରଫ ହୋଇଛନ୍ତି।
ସୂଚନା ଯୋଗ୍ୟ, ଉକ୍ତ ଅଭିଯୁକ୍ତ ସ୍କୁଟି ଦେବା ପାଇଁ ଏକ ଯୋଜନା କରିଥିଲେ। ଜଗତସିଂହପୁର ବାଲିକୁଦା ଅଂଚଳର ସୌରଭ ଦାଶ ତଥା ଦିବ୍ୟାରଞ୍ଜନ୍ କଂସୋ ଆଶା ଦିଦି ମାନଙ୍କୁ ସରକାରଙ୍କ ପକ୍ଷରୁ କରୋନା ଯୋଦ୍ଧା ଘୋଷଣା କରି ଏବଂ ୩୦ ଟି ଜିଲାର ଉତ୍ତମ ସେବା ଯୋଗାଇ ଥିବା ଆଶା ଦିଦିଙ୍କୁ ପୁରସ୍କାର ଭାବରେ ଗୋଟିଏ ସ୍କୁଟି ଦିଆଯିବାକୁ ନିଷ୍ପତି ନିଆଯାଉଛି ବୋଲି କହିଥିଲେ। ଏହାପରେ ରେଜିଷ୍ଟରେସନ୍ ଫି ବାବଦକୁ ୭୦୦୦ଟଙ୍କା ଦେବାକୁ ପଡ଼ିବ ବୋଲି ପୂର୍ବରୁ ଅଭିଯୁକ୍ତ ମାନେ ମେସେଜରେ ଜଣାଇଥିଲେ। ଏକ ନିର୍ଦ୍ଦିଷ୍ଟ ଆକାଉଣ୍ଟ୍ ଦେଇ କେବଳ ଗ୍ରାହକ ସେବା କେନ୍ଦ୍ରରୁ ଏହି ଅର୍ଥ ଡିପୋଜିଟ କରିବାକୁ କୁହାଯାଇ ଥିଲା। ତେବେ ମାଥିଲି ଓ କାଳିମେଳାର ଦୁଇ ଆଶା ଦିଦି ଏହା ସତ ଭାବି ଏକାଉଣ୍ଟରେ ଟଙ୍କା ଜମା କରିଥିଲେ। ଏହାପରେ ଅଭିଯୁକ୍ତଙ୍କ ମୋବାଇଲ୍ ବନ୍ଦ ବୋଲି ଜଣାପଡ଼ିଥିଲା। ପୁଲିସ ନିକଟରେ ଅଭିଯୋଗ କରିବା ପରେ ସୌମେନ୍ଦୁ ତ୍ରିପାଠିଙ୍କ ନେତୃତ୍ୱରେ ପୁଲିସଙ୍କ ଏକ ଦଳ ତଦନ୍ତ କରିବା ସହ ଅଭିଯୁକ୍ତଙ୍କୁ ଗିରଫ କରିଥିଲା।
