ଝାରସୁଗୁଡ଼ା :(ସୁଭାଷ ସହାରେ)/ ଝାରସୁଗୁଡ଼ା ସହର ସ୍ଥିତ ପାହାଡ଼ି ମନ୍ଦିର ଛକ ରାସ୍ତା ଉପରେ ଥିବା ଏକ କପଡା ବ୍ୟବସାୟୀ ଙ୍କ କୋଠାରେ ବଡ଼ ଧରଣର ଜୁଆ ଚାଲୁଥିଲା । ଟାଉନ ପୋଲିସ କୌଣସି ସୂତ୍ରରୁ ଖବର ପାଇ ବୁଧବାର ସନ୍ଧ୍ୟା ରାତି ପ୍ରାୟ ୮ ଟା ସମୟରେ ଚଢ଼ାଉ କରି ୧୭ ଜଣ କୁ ଗିରଫ କରିଛି ।ଏବଂ ଏମାନଙ୍କ ପାଖରୁ ଏକ ଲକ୍ଷ ଅଠର ହଜାର ଆଠ ଶହ ଷାଠିଏ ଟଙ୍କା (୧,୧୮୮୬୦) ଜବତ କରିବା ସହ ଗୋଟିଏ ଚାରି ଚକିଆ ଯାନ, ୬ ଗୋଟି ଦୁଇ ଚକିଆ ଯାନ,୧୪ ଗୋଟି ମୋବାଇଲ ଫୋନ ଏବଂ ଗୋଟିଏ ଦରି  ଜବତ କରିଛି ।ଗିରଫ ଜୁଆଡି ହେଲେ ବିକାଶ ଯାଇଶ୍ୱଲ,ଅର୍ଜୁନ, ସଦ୍ଦାମ ହୁସେନ, ସନ୍ତୋଷ ସାହ, ଭୋଳା ଗିରି, ସନ୍ଦୀପ କୁମାର ଅମନ୍ତ, ଗୋପୀନାଥ ରୋହୀଦାଶ,ଶେଖ ମୁସ୍ତାଫା, କୃଷ୍ଣ ଲୁହାର, ପିଣ୍ଟୁ ରୋହୀଦାଶ,ରାକେଶ କୁମାର,ସଞ୍ଜୟ ସିଂ, ଦୀପକ ତିବାରୀ,ବିଲସନ ବାରିକ, ରମେଶ ଚନ୍ଦ୍ର ସାହ,ସନ୍ତୋଷ ଖେଡେକର,ଦାମୋଦର ଭଟ୍ଟର ହୋଇଥିବା ବେଳେ ଏମାନେ ବହୁ ପ୍ରତିଷ୍ଠିତ ବ୍ୟକ୍ତି ଭାବରେ ସମାଜରେ ଜଣାଯାଏ ।ଏମାନଙ୍କ ବିରୁଦ୍ଧ ରେ  ଝାରସୁଗୁଡ଼ା ଥାନା ମାମଲା ୫୬୩/୨୦୨୦ ଦାୟର କରି ସି ଟି କେଶ ନମ୍ବର -୨୦୦୮/୨୦୨୦ ରେ ସମସ୍ତ ଅଭିଯୁକ୍ତ ମାନଙ୍କୁ US- ୩ ଓପିଜି ଆକ୍ଟ ୧୯୫୫ ,US- ୩୫୩/୨୯୪/୫୦୬/୩୪ ରୁଜୁ କରି ଗୁରୁବାର କୋର୍ଟ ଚାଲାଣ କରିଛି ।ଲକ ଡାଉନ ସମୟରେ ବାରମ୍ବାର ଜୁଆ ଏବଂ ମଦ ଗଞ୍ଜେଇ କାରବାର ବୃଦ୍ଧି ପାଉଥିବା ବେଳେ ଝାରସୁଗୁଡ଼ା ଟାଉନ ପୋଲିସ କୁ ସଫଳତା ମିଳିଛି ।