ବୌଦ୍ଧ(ଶାସକ ପ୍ରଶାସକ)- ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ କୁଶଙ୍ଗ ଗ୍ରାମ ପଞ୍ଚାୟତର ଭଗାମୁଣ୍ଡା ଗ୍ରାମର ଜଣେ ବ୍ୟକ୍ତିଙ୍କ ବାଡି ପଟେ ଥିବା ଏକ କୂଅ ମଧ୍ୟରେ ଗୋଟିଏ ନବଜାତକ ଶିଶୁର ଶବ ଭାସୁଥିବା ଆଜି ସକାଳୁ ଦେଖିବାକୁ ମିଳିଛି l ଶବଟି ଗୋଟିଏ ନବଜାତ ଶିଶୁ ପୁତ୍ର ବୋଲି ଜଣାପଡିଛି l ଆଜି ସକାଳୁ ଶବ ଭାସୁଥିବା ହେତୁ ଅନ୍ତତଃ ଦୁଇ ଦିନ ତଳୁ ଶିଶୁକୁ କେହି କୂଅ ମଧ୍ୟରେ ପକାଇଥିବା ସନ୍ଦେହ କରାଯାଉଛି l ଏ ଘଟଣାକୁ ନେଇ ଭଗାମୁଣ୍ଡା ଓ କୁଶଙ୍ଗ ଅଞ୍ଚଳରେ ଲୋକଙ୍କ ମଧ୍ୟରେ ନାନା କଳ୍ପନାଜଲ୍ପନା ପ୍ରକାଶ ପାଉଛି l କୌଣସି ଅବିବାହିତ କୁମାରୀ ମାତୃତ୍ୱ ଲାଭ କରିବା ପରେ ଲଜ୍ଯା ହେତୁ ଜନ୍ମିତ ଶିଶୁକୁ ନଷ୍ଟ କରିବା ପାଇଁ କୂପ ମଧ୍ୟରେ ପକାଇ ଦେଇଥିବା ଆଲୋଚନା ହେଉଛି l ଏ ସମ୍ପର୍କରେ ହରଭଙ୍ଗା ପୋଲିସକୁ ଖବର ଦିଆ ଯିବା ପରେ ଘଟଣାସ୍ଥଳକୁ ପୋଲିସ ପହଁଞ୍ଚି ଥିବା ଜଣାପଡିଛି l