ବଲାଙ୍ଗିର (ସ୍ବତନ୍ତ୍ର ପ୍ରତିନିଧି ସନ୍ତୋଷ କୁମାର ଠାକୁର )  ବଜ୍ରାଘାତରେ ତିନି ଜଣ ମହିଳାଙ୍କ ମୃତ୍ୟୁ ଘଟିଛି । ଆଜି ଗାଁ ର ଚବିନ ଧରୁଆଙ୍କ ଚାଷ ଜମିରେ ଧାନଗଛ ପହ୍ଲାରୁଆ କାମ ଚାଲିଥିଲା । ପ୍ରାୟ ୧୮ ଜଣ ମହିଳା ଓ ପୁରୁଷ କାମରେ ନିୟୋଜିତ ଥିଲେ । ହଠାତ ବଜ୍ରାଘାତ ହେବାରୁ ଜଣେ ମହିଳା ଚାଷ ଜମିରେ ଟଳି ପଡିଥିଲେ । ଅନ୍ୟ ଦୁଇ ଜଣଙ୍କୁ ବଲାଙ୍ଗିର ର ଭୀମ ଭୋଇ ମେଡିକାଲ କଲେଜ ହସପିଟାଲକୁ ଚିକିତ୍ସା ପାଇଁ ଅଣାଯାଇଥିଲା । କିନ୍ତୁ ଡାକ୍ତର ଦୁଇ ଜଣଙ୍କୁ ମୃତ ଘୋଷଣା କରିଥିଲେ । ତିନିଜଣ ମହିଳାଙ୍କ ମୃତ୍ୟୁ ହୋଇଥିବା ବେଲେ କିଛି ମହିଳା ଆହତ ହୋଇଛନ୍ତି । ଘଟଣାସ୍ଥଳରେ ବିଳାସିନୀ ରାଉତ ନାମକ ଜଣେ ମହିଳା ମୃତ୍ୟୁ ହୋଇଥିବା ବେଲେ ୟଶୋବନ୍ତୀ ଶବର ଏବଂ ପ୍ରେମାନିନ୍ଦୀ ଧୁଆ ଙ୍କୁ ବଲାଙ୍ଗିର  ଭୀମ ଭୋଇ ମେଡିକାଲ କଲେଜ ହସପିଟାଲରେ ମୃତ୍ୟୁ ହୋଇଛି । ଏଭଳି ଏକ ଘଟଣାକୁ ନେଇ ସ୍ତବ୍ଧ ହୋଇଯାଇଛି ବଡତେଲେନପାଲି ଗାଁ । ମୃତ ମହିଳା ମାନେ ଗରିବ ପରିବାରର ହୋଇଥିବାରୁ ପରିବାର ଲୋକେ କ୍ଷତିପୂରଣ ଦାବୀ କରୁଛନ୍ତି ।