ନୟାଗଡ (ବିଶ୍ୱଜିତ ନାୟକ) - ନୟାଗଡ ଉପକଣ୍ଠ ସଦର ଥାନା  ଅନ୍ତର୍ଗତ ଲକ୍ଷ୍ମୀପ୍ରସାଦ ଗ୍ରାମପଂଚୟତ ଯଦୁପୁର ଗ୍ରାମରେ ଘଟିଯାଇଚି ଏକ ଅଭାବନୀୟ ଘଟଣା । ଏହି ଗ୍ରାମର ଅଶୋକ କୁମାର ସାହୁଙ୍କ ଝିଅ (ବୟସ- 5 ବର୍ଷ 6ମାସ )ଆଜକୁ ପ୍ରାୟ 10ଦିନ ତଳେ 14.7.2020 ତାରିଖରୁ ନିଖୋଜ ଥିବାର ସଦର ଥାନାରେ  ପରିବାର ଲୋକ ଅଭିଯୋଗ କରିଥିଲେ । ପରେ ସଦର ଥାନା ସନ୍ଧାନୀ କୁକୁର ଆଣି ଛାନଭିନ କରିଥିଲେ ମଧ୍ୟ କୌଣସି ସନ୍ଧାନ ମିଳିନଥିଲା । ଆଜି ଅପରାହ୍ନ 3ଟା ବେଳକୁ ଝିଅର ବାପା ଘରଠୁ କିଛି ଦୂର ଏକ ପୋଖରୀ କୂଳରେ ଝିଅର ମୃତଦେହ ପଡିଥିବାର ପୋଲିସକୁ ଖବର ଦେଇଥିଲେ । ନୟାଗଡ଼ ସଦରଥାନା ପୁଲିସ ଘଟଣାସ୍ଥଳରେ ପହଂଚି ଅନୁସନ୍ଧାନ ଚାଲୁରଖିଛି ।