ବରଗଡ :- ବରଗଡ ଜିଲ୍ଲା ପାଇକମାଲ ବ୍ଲକ ପାଇକମାଲ ନୂଆପଡା ରାସ୍ତାରେ ମିଠାପଲି ନିକଟସ୍ଥ ବିକ୍ରମନଗର ମନଭଙ୍ଗ ଛକ ନିକଟରେ ଆଜି ସନ୍ଧ୍ୟା ପ୍ରାୟ ଚାରିଟା ସମୟରେ ଏକ ଟ୍ରାକ୍ଟର ଦୁର୍ଘଟଣା ଗ୍ରସ୍ତ ହେଇ ଓଲଟି ପଡିବାରୁ ଟ୍ରାକ୍ଟରରେ ବସିଥିବା ଚାରି ଜଣ ଶ୍ରମିକ ଅଳ୍ପକେ ବର୍ତ୍ତୀ ଯାଇଥିଲେ । ଯଦିଓ କାହାରି ପ୍ରାଣ ହାନି ହୋଇନାହିଁ କିନ୍ତୁ ଦୁର୍ଘଟଣାଟି ଅତ୍ୟନ୍ତ ଭୟଙ୍କର । ଅତ୍ୟଧିକ ଗତି କାରଣରୁ ଡ୍ରାଇଭର ଟ୍ରାକ୍ଟର କୁ ନିୟନ୍ତ୍ରଣ କରି ପାରିନଥିଲା । ଯାହାଫଳରେ ଟ୍ରାକ୍ଟର ରୋଡ଼ ଡିଭାଇଡର ରେ ପିଟି ହୋଇ ଓଲଟି ପଡ଼ୁଥିଲା । ଏହି ଟ୍ରାକ୍ଟରଟି ବରତୁଣ୍ଡା ଗ୍ରାମର ଗୋବିନ୍ଦ ସୁନା ନାମକ ଜଣେ ବ୍ୟକ୍ତି ର ବୋଲି ଜଣାପଡିଛି । ଯଦି ଏହି ରାସ୍ତାରେ ସେହି ସମୟରେ ଅନ୍ୟ କୋଣସି ବ୍ୟକ୍ତି ଯାତାୟାତ କରୁଥାନ୍ତେ ତେବେ ନିଶ୍ଚିତ ଭାବରେ ଏକ ବଡ଼ ଦୁର୍ଘଟଣା ଘଟିଥାନ୍ତା ବୋଲି ଲୋକେ ଆଲୋଚନା କରୁଛନ୍ତି । ତେବେ ପାଇକମାଲ ପୋଲିସ ଘଟଣାର ଖବର ପାଇ ଘଟଣା ତଦନ୍ତ କରୁଛି ।
