ବରଗଡ :- ବରଗଡ ଜିଲ୍ଲା ପାଇକମାଲ ଥାନା ଅନ୍ତର୍ଗତ ଛେତେଙ୍ଗା ଗ୍ରାମର ପ୍ରଫୁଲ୍ଲ ମହାଳିଙ୍ଗ ଗତକାଲି ସନ୍ଧ୍ୟା ସମୟରେ ପାଇକମାଲ ଥାନାରେ ଅଭିଯୋଗ କରିଥିଲେ ଯେ ତାଙ୍କର ପୁଅ ସଂଗ୍ରାମ ମହାଳିଙ୍ଗ ନିକଟସ୍ଥ ବ୍ରାମହନଦିହି ଓ କୁତ୍ରାମାଲ ମଝିରେ ଏକ ଲିମ୍ବ ଗଛରେ ବେକରେ ଏକ କପଡା ରାଶି ଲଗାଇ ଆତ୍ମହତ୍ୟା କରିଛି । ଖବର ପାଇବା ପରେ ପାଇକମାଲ ଥାନା ଅଧିକାରୀ ଶ୍ରୀ ବିଶ୍ୱଜିତ ମନବୋଧ ନିଜର ସହକର୍ମୀ ମାନଙ୍କର ସହିତ ରାତିରେ ଘଟଣା ସ୍ଥଳକୁ ପହଂଛି ଥିଲେ । ଘଟଣା ସ୍ଥଳରେ ରାତି ଅନୁସନ୍ଧାନ କରିବା ପରେ ଆଜି ସକାଳେ ଶବର ପଞ୍ଚନାମା କରି ଶବ ବ୍ୟବଚ୍ଛେଦ ନିମନ୍ତେ ପଦ୍ମପୁର ଉପଖଣ୍ଡ ଡାକ୍ତରଖାନା କୁ ପଠାଇ ଦେଇଛନ୍ତି । ଏପଟେ ଯୁବକର ଆତ୍ମହତ୍ୟା କରିବାର ପ୍ରକୃତ କାରଣ ବର୍ତ୍ତମାନ ସୁଦ୍ଧା ଅସ୍ପଷ୍ଟ ରହିଛି । ପାଇକମାଲ ଥାନାରେ ଅପାମୃତ୍ୟ ମାମଲା 8/20 ରୁଜୁ କରାଯାଇ ସବ ଇନ୍ସପେକ୍ଟର ବିପିନ ବାଗ ଘଟଣାର ତଦନ୍ତ ଜାରି ରଖିଥିବା ଥାନା ଅଧିକାରୀ ଶ୍ରୀ ମନବୋଧ ଜଣାଇଛନ୍ତି  ।।