ଓଡ଼ଗାଁ ଏବଂ ନୟାଗଡ଼ ଅଂଚଳର ସମସ୍ତ ମହଲରେ ଶୋକର ଛାୟା
ଓଡଗାଁ (ଶ୍ରୀକାନ୍ତ କୁମାର ମିଶ୍ର) : ନୟାଗଡ଼ ଜିଲ୍ଲା ଓଡ଼ଗାଁ ବ୍ଲକ ଅଞ୍ଚଳରେ ଦୀର୍ଘଦିନ ଧରି କାର୍ଯ୍ୟରତ ସମ୍ବାଦ ପ୍ରତିନିଧି ହୃଦୟ ରଂଜନ ମହାରଣା(୪୨)ଙ୍କ ଆଜି ପୂର୍ବାହ୍ନରେ ପରଲୋକ ଘଟିଛି । ଅବସରପ୍ରାପ୍ତ ଶିକ୍ଷକ ଭକ୍ତ ରଞ୍ଜନ ମହାରଣାଙ୍କର ସେଥିଲେ ତୃତୀୟ ପୁତ୍ର । ଖବର ପାଇ ନୟାଗଡ଼ ସାମ୍ବାଦିକ ମହଲରେ ଶୋକର ଛାୟା ଖେଳି ଯାଇଛି । ଦୀର୍ଘଦିନ ହେବ ଅସୁସ୍ଥତା କାରଣରୁ ଚିକିତ୍ସିତ ଥିଲେ । ଆଜି ପୁରୀରେ ଶଶୁର ଘରେ ଥିବା ସମୟରେ ତାଙ୍କର ପରଲୋକ ଘଟିଥିବା ଜଣାଯାଇଛି । ତାଙ୍କ ମୃତ୍ୟୁରେ ଓଡ଼ଗାଁ ଏବଂ ନୟାଗଡ଼ ଅଂଚଳର ସମସ୍ତ ମହଲରେ ଶୋକର ଛାୟା ଖେଳିଯାଇଛି । ନୟାଗଡ଼ ଜିଲ୍ଲା ସାମ୍ବାଦିକ ସଂଘ ସଭାପତି ଏବଂ ଜିଲ୍ଲା ତଥା ବ୍ଳକ ସ୍ତରୀୟ କାର୍ଯ୍ୟରତ ସମସ୍ତ ଗଣମାଧ୍ୟମ ପ୍ରତିନିଧି ତାଙ୍କର ମୃତ୍ୟୁରେ ଶୋକ ଓ ସମବେଦନା ଜ୍ଞାପନ କରିଛନ୍ତି । ପୁରୀ ସ୍ବର୍ଗଦ୍ଵାରରେ ଶେଷକୃତ୍ୟ ସମ୍ପନ୍ନ ହେବ ବୋଲି ଭାଇ ଚିତ୍ତରଞ୍ଜନ ମହାରଣା କହିଛନ୍ତି ।
