ଧର୍ମଗଡ/ ସୁଶାନ୍ତ ରାଉତ : କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ କେଗାଁ  ଥାନା ଅନ୍ତର୍ଗତ ନୂଆଗାଁ ପଞ୍ଚାୟତର ପଦ୍ମପୁର ଜଗବନ୍ଧୁ ଶବରଙ୍କ କୂଆରୁ ଏକ ମୃତ ଶରୀର ଉଦ୍ଧାର କରାଯାଇଛି |  ମୃତ ବ୍ୟକ୍ତି ଜଣକ ହେଉଛନ୍ତି  ସେହି ଗ୍ରାମର ପୂର୍ଣ୍ଣ ଶବର ବୟସ 38 |ସେ କେଗାଁ ଆସି ବ୍ୟାଙ୍କ ରୁ ଟଙ୍କା ଉଠଣ କରି ଯାଇ ଥିବାବେଳେ ସେଠାରୁ ସେ ଘରକୁ ଫେରିଲେ ନାହିଁ ! ଘର ଲୋକେ ବହୁତ ଖୋଜା ଖୋଜି କଲେ ହେଲେ ପାଇଲେ ନାହିଁ | ଗତକାଲି  ଜଗବନ୍ଧୁ ଶବରଙ୍କ କୂଆ ଭିତରେ ମୃତ ଶବ ଦେଖି ସଙ୍ଗେ ସଙ୍ଗେ ପୋଲିସକୁ  ଖବର ଦେଲେ | ପୋଲିସ ପହଁଚିଲା ବେଳକୁ ସନ୍ଧ୍ୟା ଛଅ ଟା ହୋଇଯାଇଥିଲା କୂପ ଭିତରୁ ଶବ ଉଦ୍ଧାର କରି ନ ପାରି ଫେରି ଆସିଥିଲେ |  ଆଜି ସକାଳୁ  କେଗାଁ ଥାନା ଅଧିକାରୀ ଶ୍ରୀ ଗୁଣନିଧି ସାହୁ ଅଗ୍ନିଶମ ବାହିନୀ ଓ ସନ୍ଧାନୀ କୁକୁର ଆଶ୍ରୟ ନେଇ ଘଟଣା ସ୍ଥଳକୁ ଯାଇ କୂପ ଭିତରୁ ମୃତ ଶରୀର ଉଦ୍ଧାର କରିଥିଲେ | ମୃତଙ୍କ ଶରୀରେ କ୍ଷତ ଚିହ୍ନ ଓ ଆଖିରେ ପତାରେ ରକ୍ତ ବର୍ଣ ଦେଖିବାକୁ ମିଳୁଥିଲା |  ଶବଟିକୁ ଶବ ବ୍ୟବଚ୍ଛେଦ ପାଇଁ ଧର୍ମଗଡ଼ ଡାକ୍ତର ଖାନା ପଠାଯାଇଥିବା ଜଣାପଡିଛି | ଏହା ଏକ ହତ୍ୟା ମାମଲା ବୋଲି ମୃତଙ୍କ ସ୍ତ୍ରୀ ଓ ପୁଅ  ମିଡ଼ିଆ ସମ୍ମୁଖରେ ମତ ମତ ଦେଇଛନ୍ତି ! ଏପରି ଏକ ଅଭାବନୀୟ ଘଟଣା ଘଟିଥିବାରୁ ଗାଁ ଲୋକେ ହତ୍ୟା ବୋଲି ସନ୍ଦେହ  କରୁଛନ୍ତି |