ସମ୍ବଲପୁର/ଜମନକିରା(ରମାକାନ୍ତ ବିଶ୍ବାଳ ): ଜମନକିରା ବ୍ଲକ ସୁଦବଲଣ୍ଡl ରେ ଥିବା ବାଙ୍କସାଲ ଡ୍ୟାମ ରେ ବୁଡି ଜଣେ ମସ୍ୟଜୀବି ଙ୍କ ମୃତ୍ୟୁ ହୋଇଛି l ଜମନକିରା ପୋଲିସ ଘଟଣା ସ୍ଥଳରେ ପହଂଚି ମୃତ ଦେହ ଉଦ୍ଧାର କରିଛି l ମୃତ ଯୁବକ ଜଣକ ହେଲେ ସୁଦବଲାଣ୍ଡl ରାଉତପଡା ଗ୍ରାମ ର ଚରଣ ସିଂ(42) ବୋଲି ଜଣାପଡିଛି l ଗୁରୁବାର ମାଛ ମାରିବାକୁ ଯାଇ ଫେରି ନ ଥିଲେ l ଶୁକ୍ରବାର ସକାଳେ ଶବ ଭାସୁ ଥିବା ଦେଖି ପୋଲିସ କୁ ସୂଚନା ଦିଆଯାଇଥିଲା l ସୂଚନା ପାଇ  ଜମନକିରା ଥାନା ପୋଲିସ ଘଟଣା ସ୍ଥଳରେ ପହଂଚି ଶବ ଉଦ୍ଧାର ପୂର୍ବକ ବ୍ୟବଚ୍ଛେଦ ପାଇଁ କୁଚିଣ୍ଡା ଡାକ୍ତରଖାନା କୁ ପଠେଇ ଥିଲେ l ମାଛ ମାରି ପରିବାର ପ୍ରତିପୋଷଣ କରୁଥିବା ଚରଣ ପରିବାର ର ଏକ ମାତ୍ର ରୋଜଗାରିଆ ଥିଲେ l ବିଧବା ସ୍ତ୍ରୀ ଗାୟତ୍ରୀ ସହ ୩ ଝିଅ ଓ ଏକ ୬ ବର୍ଷ ର ପୁଅ ବାଦଲ ଏବେ ଅସହାୟ ହୋଇପଡିଛନ୍ତି l ଏହି ଅସହାୟ ପରିବାର କୁ  ସରକାରୀ ସହାୟତା ଯୋଗାଇ ଦେବାକୁ ଦାବୀ ହୋଇଛି l