ନୟାଗଡ(ବିଶ୍ୱଜିତ ନାୟକ) : ବୀର ଯବାନ ଚନ୍ଦ୍ରକାନ୍ତଙ୍କୁ ହରାଇ ଏ ମାଟି ଝୁରୁଛି, ଗାଁ କାନ୍ଦୁଛି | ଦେଶମାତୃକା ପାଇଁ ସୀମାରେ ସହିଦ ହୋଇଥିବା ଓଡିଶା ମାଟିର ସୁଯୋଗ୍ୟ ସନ୍ତାନ କନ୍ଧମାଳର ଚନ୍ଦ୍ରକାନ୍ତଙ୍କ ପାର୍ଥିବ ଶରୀର ଆଜି ଯାଉଥିବା ତାଙ୍କ ଜନ୍ମମାଟି ଅଭିମୁଖେ | ଅପୂର୍ବ ବଳିଦାନ ଦ୍ୱାରା ବୀରତ୍ବର ପରିଚୟ ଦେଇ ଦେଶ ମାତୃକାକୁ ଭଲପାଇବାର ସଂଜ୍ଞା ଶିଖାଇ ଯାଇଥିବା ସହିଦ ଯବାନଙ୍କ ପାର୍ଥୀବ ଶରୀର ଜନ୍ମମାଟିରେ ପହଞ୍ଚିବା ପୂର୍ବରୁ କିଛି ସମୟର ଅଟକି ଥିଲା ନୟାଗଡ଼ରେ | ଆଉ ଏହି ବୀର ସନ୍ତାନଙ୍କ ଶେଷ ଦର୍ଶନ କରିବା ପାଇଁ ଜମିଥିଲା ଲୋକଙ୍କ ଭିଡ | ଆଉ ଅଶ୍ରୁଳ ନୟନ ଓ କୋହଭରା ହୃଦୟରେ ଶେଷ ଶ୍ରଦ୍ଧାଞ୍ଜଳି ଜଣାଇଲେ ନୟାଗଡ଼ ମାଟିର ଜନସାଧାରଣ ,ସାମ୍ବାଦିକ ଏବଂ ପୋଲିସ ବିଭାଗର ଉଚପଦାଧିକାରୀ କର୍ମଚାରୀ ।
