ପାଟଣାଗଡ (ବିମଳ କୁମାର ବାଗ): ବଲାଙ୍ଗିର ଜିଲ୍ଲା ପାଟଣାଗଡ ଏନଏସି ଅଚଂଳର ବ୍ରହ୍ମପୁରା ନିକଟସ୍ଥ ଭାନୁସାଗର ପୋଖରୀର ଅନିତ ଦୂରରେ ଥିବା ଏକ ବବୁଲ ଗଛରୁ ଜଣେ ଯୁବକଙ୍କ ମୃତ ଦେହ ପୁଲିସ ଉଦ୍ଧାର କରିଛି । ମୃତ ଯୁବକ ଜଣକ କାଦୋପଡାର ସୁନ୍ଦର୍ଯ୍ୟ ଦଲେଇ (୪୨) ବୋଲି ପୁଲିସ ପକ୍ଷରୁ ଜଣାପଡିଛି । ଆଜି ସନ୍ଧ୍ୟା ସମୟରେ କିଛି ଲୋକ ଶୌଚ ପାଇଁ ଯାଉଥିବା ବେଳେ ଭାନୁସାଗର ପୋଖରୀ ନିକଟରେ ଥିବା ନାଲ ପାଖର ଏକ ବବୁଲ ଗଛରେ ଜଣେ ଯୁବକଙ୍କ ମୃତ ଦେହ ଝୁଲୁଥିବା ଦେଖିବାକୁ ପାଇଥିଲେ । ଏହା ପରେ ସେଠାରେ ଲୋକଙ୍କର ଭିଡ ଜମିବାକୁ ଲାଗିଥିଲା । ଖବର ପାଇ ପାଟଣାଗଡ ପୋଲିସ ଘଟଣା ସ୍ଥଳରେ ପହଚିଂ ଥିଲା । ଉକ୍ତ ମୃତ ଦେହଟି କାଦୋପଡାର ସୁନ୍ଦର୍ଯ୍ୟ ଦଲେଇ ବୋଲି ଜଣାପଡିଥିଲା । ଏହାପରେ ପୋଲିସ ସେହି ଯୁବକଙ୍କ ପରିବାର ସହିତ ଯୋଗଯୋଗ କରି ପରିବାର ଲୋକଙ୍କ ଉପସ୍ଥିତିରେ ଉକ୍ତ ଯୁବକଙ୍କର ମୃତ ଦେହ ଗଛରୁ ଉଦ୍ଧାର କରିଥିଲା । ଅପରପକ୍ଷରେ ଉକ୍ତ ଯୁବକ ଜଣକ ଏତେ କଣ୍ଟା ଥିବା ବବୁଲ ଗଛକୁ କିପରି ଚଢିପାରିଲା ବୋଳି ଘଟଣାସ୍ଥଲରେ ଉପସ୍ଥିତ ଲୋକମାନଙ୍କ ଠାରୁ ଶୁଣିବାକୁ ମିଲୁଥିବା ବେଲେ ଏହା ହତ୍ୟା ନା ଆତ୍ମହତ୍ୟା ବୋଲି ସେଠାରେ ଆଲୋଚନାର ବିଷୟ ବସ୍ତୁ ପାଲଟିଥିଲା । ଖବର ଲେଖା ହେବା ପର୍ଯ୍ୟନ୍ତ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ କରୁଥିବା ଥାନା ଅଧିକାରୀ କେ.ପ୍ରୟଙ୍କା ରଉତରାଏଙ୍କ ଠାରୁ ଜଣାପଡିଛି ।
