ମେଲଛାମୁଣ୍ଡା,(ମନୋଜ ଭୋଇ)-ବରଗଡ ଜିଲ୍ଳା ଅର୍ନ୍ତଗତ ମେଲଛାମୁଣ୍ଡା ଗ୍ରାମର ସ୍ଥାନୀୟ ବାସୀନ୍ଦା ଅବସରପ୍ରାପ୍ତ ଶିକ୍ଷକ ଦୂର୍ଷ୍ୟଧାନ  ପଣ୍ଡା(କୁନୁ ପଣ୍ଡା)ଙ୍କ ଶନିବାର  ଅପରାହ୍ନରେ ମେଲଛାମୁଣ୍ଡାସ୍ଥିତ ବାସ ଭବନରେ ଦେହାନ୍ତ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୮୦ବର୍ଷ ହେଉଥିଲା । ସେ କିଛି ମାସ ହେବ ଶଯ୍ୟାଶାୟୀ ଥିଲେ । ସେ ଜଣେ ସରଳ, ପରୋପକାରୀ, ମିଷ୍ଟଭାଷୀ ତଥା ଛାତ୍ରବତ୍ସଳ ଶିକ୍ଷକ ଭାବେ ଅଂଚଳରେ ବେଶ ଜଣାଶୁଣା ଥିଲେ । ତାଙ୍କ ନିଧନରେ ମେଲଛାମୁଣ୍ଡା ଅଂଚଳରେ ଶୋକର ଲହରୀ ଖେଳିଯାଇଥିଲା । ତାଙ୍କ ମୃତ୍ୟୁ ବେଳକୁ ତାଙ୍କ ପାଖରେ ତାଙ୍କ ସ୍ତ୍ରୀ, ଦୁଇ ପୁଅ ବୋହୁ, ଝିଅ ଜ୍ୱାଇଁ ଓ ନାତି ନାତୁଣି ଉପସ୍ଥିତ ଥିଲେ । ଅଂଚଳର ଅନେକ ଗଣ୍ୟମାଣ୍ୟ ବ୍ୟକ୍ତି ତାଙ୍କ ଶେଷ ଦର୍ଶନ ପାଇଁ ପହଂଚିଥିଲେ । ତାଙ୍କୁ ଅଳ୍ପ ସମାଗମରେ ଗ୍ରାମ ମଶାଣିକୁ ନେଇ ଦାହ କରାଯାଇଥିଲା । ବଡ ପୁଅ ଠାକୁର ପଣ୍ଡା ମୁଖାଗ୍ନୀ ଦେଇଥିଲେ ।