ବାରିପଦା(ଦିଲ୍ଲୀପ ମହାନ୍ତି)- ସାମୁଦ୍ରିକ ଝଡ ଅମ୍ଫାନ ପ୍ରଭାବରେ ମୟୂରଭଞ୍ଜ ଜିଲ୍ଲା କପ୍ତିପଦା ବ୍ଳକ ପୋଡାଡିହା ପଂଚାୟତର ଡାହି ସାହି ଗ୍ରାମରେ ଆମ୍ବ ଡାଳ ପଡ଼ି ଦୁଇ ଜଣ ଶିଶୁ ଗୁରୁତର ଭାବେ ଆହତ ହୋଇଛନ୍ତି । ହଠାତ ପବନ ହେବା କାରଣରୁ ଘର ନିକଟରେ ଥିବା ଆମ୍ବଗଛର ଡାଳ ଭାଙ୍ଗି ଘର ଉପରେ ପଡିଥିଲା ଏବଂ ଘରେ ସାଙ୍ଗ ହୋଇ ବସିଥିବା ଦୁଇ ଜଣ ଶିଶୁ ଏହା ତଳେ ଚାପି ହୋଇ ରହିଯାଇଥିଲେ । ଗୁରୁତର ଭାବେ ଆହତ ଅବସ୍ଥାରେ ସେମାନଙ୍କୁ ଉଦ୍ଧାର କରାଯାଇ ଉଦଳା ଡାକ୍ତରଖାନାରେ ଭର୍ତି କରାଯାଇଥିଲା । ଜଣେ ଶିଶୁର ସ୍ୱାସ୍ଥ୍ୟ ଅବସ୍ଥା ଅଧିକ ଜଟିଳ ରହିଥିବାରୁ ତାଙ୍କୁ ବାରିପଦା ପିଆରଏମ ମେଡିକାଲକୁ ସ୍ଥାନାନ୍ତରିତ କରାଯାଇଛି । ଆହତ ପିଲା ହେଲେ ପଚାଏ ସିଂ(୧୦) ଓ ବୈଶାଳୀ ସିଂ(୭) ବୋଲି ଜଣାପଡିଛି ।
