ଗାଲୁସାହି ପଞ୍ଚାୟତ ଜିଆରଏସଙ୍କୁ ଅଶ୍ଳିଳ ଭିଡ଼ିଓ ଭାଇରାଲ
ବାରିପଦା(ଦିଲ୍ଲୀପ ମହାନ୍ତି )- ମୟୂରଭଞ୍ଜ ଜିଲ୍ଲା ଶୁକୃଳି ବ୍ଲକ ଗାଲୁସାହି ଗ୍ରାମପଞ୍ଚାୟତ କାର୍ଯ୍ୟାଳୟରେ ଜିଆରଏସ୍(ଗ୍ରାମ ରୋଜଗାର ସେବକ) ଭାବେ କାର୍ଯ୍ୟକରୁଥିବା ରାଜୀବ କୁମାର ମହାକୁଡ଼ଙ୍କର ଅଶ୍ଳିଳ ଭିଡ଼ିଓ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ଉକ୍ତ ଭିଡ଼ିଓରେ ଜିଆରଏସ ଶ୍ରୀମହାକୁଡ଼ ପଞ୍ଚାୟତ କାର୍ଯ୍ୟାଳୟ ପରିସରରେ ଜନୈକ ଯୁବତୀଙ୍କୁ ଆଲିଙ୍ଗନ, ଚୁମ୍ବନ ଆଦି ଦେଉଥିବାର ଦୃଶ୍ୟର ରେକଡ଼ିଂ ରହିଛି । ପଞ୍ଚାୟତ କାର୍ଯ୍ୟାଳୟ ପରିସର କୋଠରୀରେ ଏହି ପ୍ରକାରର କାର୍ଯ୍ୟ ଏକ ଅପରାଧ ଭାବେ ବିବେଚନା କରାଯାଇଥାଏ । ଜିଆରଏସ ଶ୍ରୀମହାକୁଡ଼ଙ୍କ ନାମରେ ବିଭିନ୍ନ ସମୟରେ ଏକାଧିକ ଅଭିଯୋଗ ରହିଥିବା ବେଳେ କିଛି ଦିନ ପୂର୍ବେ ଉକ୍ତ ପଞ୍ଚାୟତର ଚିରଞ୍ଜିବୀ ନାଏକ ଓ ଅନ୍ୟ କେତେକ ଗ୍ରାମବାସୀମାନେ ତାଙ୍କୁ ତାଲା ପକାଇ ଦେଇଥିବା ସମୟରେ ସରପଞ୍ଚ ଅଧିକାରୀ ନାଏକଙ୍କ ହସ୍ତକ୍ଷେପ ପରେ ମୁକୁଳି ଥିଲେ ।
ପ୍ରକାଶ ଥାଉକି, ଜିଆରଏସ ବିବାହିତ ହୋଇଥିବା ବେଳେ ତାଙ୍କର ୧୦ ବର୍ଷ ବୟସର ଏକ ପୁଅ ରହିଛି । ମାତ୍ର ସେ ତାଙ୍କର କାମନାକୁ ଚରିତାର୍ଥ କରାଇବା ନିମନ୍ତେ ବିଭିନ୍ନ ସମୟରେ ଯୁବତୀମାନଙ୍କୁ ଧରି ପଞ୍ଚାୟତ କାର୍ଯ୍ୟାଳୟରେ ରୁଦ୍ଧ କୋଠରୀ ଭିତରେ ସମୟ କଟାଇ ଥାନ୍ତି । ମତ ମେ ୧୪ରେ ପଞ୍ଚାୟତ କାର୍ଯ୍ୟାଳୟରେ କେହି ନ ଥିବା ବେଳେ ଜନୈକ ଯୁବତୀଙ୍କ ସହିତ ଏହି ଭଳି ଏକ ଅନ୍ତରଙ୍ଗ ମୁହୂର୍ତ୍ତର ଆପତ୍ତିଜନକ ଭିଡ଼ିଓ ସାମାଜିକ ଗଣମାଧ୍ୟମରେ ଭାଇରାଲ ହେବା ପରେ ପଞ୍ଚାୟତ କାର୍ଯ୍ୟାଳୟ ଗାରିମାକୁ ଜିଆରଏସ ଶ୍ରୀମହାକୁଡ଼ ନଷ୍ଟ କରୁଥିବା ବିଷୟକୁ ନେଇ ସ୍ଥାନୀୟ ଗ୍ରାମବାସୀ ଚିରଞ୍ଜୀବ ନାୟକ, ଜଗନ୍ନାଥ ବରାଳ, ଦେବାଶିଷ ବରାଳ, ଜିତେନ୍ଦ୍ର ମହାକୁଡ଼, ହିମାଂଶୁ ଶେଖର ମହାକୁଡ଼, ଶିବ ମହାକୁଡ଼, ବାଲାଜୀ ମହାକୁଡ଼ ପ୍ରମୁଖ ସରପଞ୍ଚ ଅଧିକାରୀ ନାଏକଙ୍କ ନିକଟରେ ଲିଖିତ ଅଭିଯୋଗ କରିଥିବାର ଜଣାପଡ଼ିଛି । ଜିଆରଏସ ରାଜୀବ ମହାକୁଡ଼ଙ୍କ ଏହି ପ୍ରକାରର କାର୍ଯ୍ୟକଳାପକୁ ନେଇ ଶୁକୃଳି ବିଡ଼ିଓ କସ୍ତୁରୀବାଳା ଜେନାଙ୍କ ପ୍ରତିକ୍ରିୟା ଜାଣିବା ନିମନ୍ତେ ତାଙ୍କର ସେଲ ନମ୍ବର ୭୯୭୮୯୯୩୪୧୨ ଯୋଗାଯୋଗ କରାଯାଇଥିଲେ ମଧ୍ୟ ସେ ଫୋନ ଉଠାଇନଥିଲେ ।
