ବରଗଡ଼  :- ଶନିବାର ସାନ୍ଧ୍ୟ ସମୟରେ ପାଇକମାଲ ଥାନାକୁ ଏକ ଦୁଃଖଦ ଖବର ଆସିଲା ଯେ ଛୀଂଦେଇକେଲା ଗ୍ରାମର ଜଣେ ବ୍ୟକ୍ତିଙ୍କର ବ୍ୟକ୍ତିଙ୍କ ବିଲରେ ଜଣେ ଯୁବକର ମୁତଦେହ ଏକ ଗଛରେ ଝୁଲୁଛି । ଘଟଣାର ଖବର ପାଇବା ପରେ DSP ଶ୍ରୀ ଦିନେଶ ନାଏକ , ଥାନା ଅଧିକାରୀ ଶ୍ରୀ ବିଶ୍ୱଜିତ ମନବୋଧ ଘଟଣା ସ୍ଥଳକୁ ପହଞ୍ଚୀଥିଲେ । ପ୍ରାଥମିକ ତଦନ୍ତ ପରେ ମୃତ ବ୍ୟକ୍ତି ଜଣଜ ଜାମସେଠ ନିବାସୀ ଶ୍ରୀ କୃଷ୍ଣଚନ୍ଦ୍ର ପ୍ରଧାନ ଙ୍କର ପୁଅ ଇନ୍ଦ୍ରମଣି ପ୍ରଧାନ (୩୫)ବୋଲି ଜଣା ପଡିଲା । ଏହାପରେ ପୋଲିସ ମୃତକ ଙ୍କର ପରିବାର ଲୋକଙ୍କୁ ଭେଟି ଜାଣିବାକୁ ପାଇଲେ ଯେ ମୃତକ ଗତ କିଛିଦିନ ହେଲା ମାନସିକ ଚାପରେ ରହୁଥିଲା । ପୋଲିସ ଘଟଣା ସ୍ଥଳରୁ ମୃତଦେହ ଜବତ କରିବା ସହିତ ପଦ୍ମପୁର ଉପଖଣ୍ଡ ଚିକିତ୍ସାଲୟ କୁ ବ୍ୟବଚ୍ଛେଦ ନିମନ୍ତେ ପଠାଇ ଦେଇଛି । ଆସନ୍ତା କାଲି ଶବ ବ୍ୟବଚ୍ଛେଦ ହେଲାପରେ ମୃତଦେହ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ଉକ୍ତ କେଶ ନମ୍ବର ଅପମୃତ୍ୟୁ ମାମଲା 6/20 ର ତଦନ୍ତକାରୀ ଅଧିକାରୀ DSP ଦିନେଶ ନାୟକ ଜଣାଇଛନ୍ତି ।