ଭୁବନେଶ୍ୱର: ରାଜଧାନୀର ଜଣାଶୁଣା ସାମାଜିକ ତଥା ସ୍ବେଛାସେବୀ ସଂଗଠନ "ଜୟ ଓଡ଼ିଶା" ପକ୍ଷରୁ ଆଜି ନିଆରା ଢଙ୍ଗରେ ବିଭିନ୍ନ ବସ୍ତି ଅଂଚଳରେ ପାଳିତ ହୋଇଯାଇଛି ଶିଶୁ ଦିବସ | ଅନୁଷ୍ଠାନର କର୍ମକର୍ତ୍ତା ମାନେ ସହରର ୭ଟି ବସ୍ତି ଅଞ୍ଚଳରେ ପହଞ୍ଚି ପାଖାପାଖି ୫୦୦ ଶିଶୁଙ୍କ ସହ ମିଶି ଶିଶୁ ଦିବସ ନିରୋଳା ମୁହୂର୍ତ୍ତକୁ ବିତାଇ ଥିଲେ | ଏହି ଅବସରରେ ପିଲାମାନଙ୍କ ମନୋରଞ୍ଜନ ପାଇଁ ମ୍ୟାଜିକ ସୋ ପ୍ରଦର୍ଶନ କରାଯିବା ସହ ସେମାନଙ୍କ ମଧ୍ୟରେ ନୃତ୍ୟ ପ୍ରତିଯୋଗିତା ଅନୁଷ୍ଠିତ କରାଇଥିଲେ | ପିଲାମାନଙ୍କ ଭିତରେ ବହି ଖାତା ଓ ପାଠ୍ୟ ଉପକରଣ ବଣ୍ଟନ କରିବା ସହିତ ସେମାନଙ୍କ ଦାନ୍ତ ପରୀକ୍ଷା ମଧ୍ୟ ଅନୁଷ୍ଠିତ ହୋଇଥିଲା |
ଜୟ ଓଡ଼ିଶା ସଭାପତି ରୁଦ୍ର ନାରାୟଣ ସାମନ୍ତରାୟଙ୍କ ଆବାହକତ୍ୱରେ ଅନୁଷ୍ଠିତ ହୋଇଥିବା କାର୍ଯ୍ୟକ୍ରମରେ ଜୟ ଓଡ଼ିଶା କର୍ମକର୍ତ୍ତା ଙ୍କ ବ୍ୟତୀତ ଜୟ ଓଡ଼ିଶାର ପଥ ପ୍ରଦର୍ଶକ ପୂର୍ବତନ ପୋଲିସ କମଶନର ମୁମ୍ବାଇ ଅରୂପ ପଟନାୟକ , ପୂର୍ବତନ କର୍ପୋରେଟର ପ୍ରୀତିନନ୍ଦା ରାଉତରାୟ ଏବଂ ଅନେକ ବିଶିଷ୍ଟ ବ୍ୟକ୍ତି ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ।
ଜୟ ଓଡ଼ିଶା ସଭାପତି ଶ୍ରୀ ସାମନ୍ତରାୟଙ୍କ ଅନୁଯାୟୀ " ଏହି କୁନି କୁନି ଶିଶୁ ମାନେ ହେଉଛନ୍ତି ଦେଶ ର ଭବିଷ୍ୟତ । ଏହିମାନଙ୍କ ଉଜ୍ଜ୍ୱଳ ଭବିଷ୍ୟତ ଗଢି ତୋଳିବା ନିମନ୍ତେ ଉତ୍ତମ ପଥ ପ୍ରଦର୍ଶନ କରିବା ସହିତ ସେମାନଙ୍କୁ ସାହାଯ୍ୟ କରିବା ପାଇଁ ପାରୁପର୍ଯ୍ୟନ୍ତ ଚେଷ୍ଟା କରିବା ଆମ୍ଭର ଦାୟିତ୍ୱ ଅଟେ।"
