ପାଠ୍ୟକ୍ରମ ଅନ୍ତର୍ଗତ ୧୦୦ଜଣଙ୍କୁ ପ୍ରଶିକ୍ଷିତ କରାଯିବ
ପୁନେର ଭାରତୀୟ ଫିଲ୍ମ ଏବଂ ଟେଲିଭିଜନ୍ ପ୍ରତିଷ୍ଠାନ (ଏଫଟିିଆଇଆଇ) ତରଫରୁ ପ୍ରଥମ ଥର ପାଇଁ ଓଡ଼ିଶାରେ ଏକ ସପ୍ତାହବ୍ୟାପୀ ଫିଲ୍ମ ଆପ୍ରିସିଏସନ୍ କୋର୍ସ କାର୍ଯ୍ୟକ୍ରମ ଆୟୋଜନ କରାଯାଉଛି । ଫେବୃଆରୀ ୧୪ ତାରିଖ ଠାରୁ ଏହି କାର୍ଯ୍ୟକ୍ରମ ଭାରତୀୟ ଜାତୀୟ ଚଳଚ୍ଚିତ୍ର ସଂଗ୍ରହାଳୟ (ଏନଏଫଏଆଇ), ପୁନେ ଠାରୁ ପ୍ରାପ୍ତ ଇନ୍ପୁଟ ତଥା ଓଡ଼ିଶା ସରକାରଙ୍କ ବୈଷୟିକ ଶିକ୍ଷା ଓ ତାଲିମ ନିଦେ୍ର୍ଧଶାଳୟ (ଡ଼ିଆଇଇଟି)ର ମିଳିତ ସହଯୋଗରେ ଆୟୋଜିତ ହେବ । ଭୁବନେଶ୍ୱର ଆଦିବାସୀ କଳା ଓ ହସ୍ତକଳା ସଂଗ୍ରହାଳୟଠାରେ ଏହା ଅନୁଷ୍ଠିତ ହେବ । ଏହା ସମସ୍ତଙ୍କ ପାଇଁ ଉନ୍ମୁକ୍ତ ରହିଥିଲେ ସୁଦ୍ଧା ‘ଫାଷ୍ଟ୍ କମ୍ ଫାଷ୍ଟ୍ ସର୍ଭି ରେ ଏହି ପାଠ୍ୟକ୍ରମରେ ପ୍ରଥମ ୧୦୦ଜଣଙ୍କୁ ହିଁ ଗ୍ରହଣ କରାଯିବ ।
ଓଡ଼ିଶାର ଚଳଚ୍ଚିତ୍ର ଶିଳ୍ପର ଦୀର୍ଘ ୭୫ ବର୍ଷର ଗୌରବୋଜ୍ଜ୍ୱଳ ଇତିହାସ ରହିଛି ଏବଂ ଏହା ସମୟକ୍ରମେ ଏକ ବିଶାଳ ଶିଳ୍ପରେ ପରିଣତ ହୋଇଛି । ଏଫଟିଆଇଆଇ ପକ୍ଷରୁ ସଂପ୍ରତି ଦେଶବ୍ୟାପୀ ଚଳଚ୍ଚିତ୍ର ସଂକ୍ରାନ୍ତ ଶିକ୍ଷାକୁ ଲୋକପ୍ରିୟ କରିବା ସକାଶେ ଚାଲୁ ରହିଥିବା ଅଭିଯାନର ଅଂଶବିଶେଷ ସ୍ୱରୂପ, ଭୁବନେଶ୍ୱର ଠାରେ ଏହି ଫିଲ୍ମ ଆପ୍ରିସିଏସନ୍ କୋର୍ସର ପରିକଳ୍ପନା କରାଯାଇଛି । ପାଂଚ ଦଶନ୍ଧିରୁ ଅନୁଷ୍ଠିତ ହେଉଥିଲା । ଭାରତଭଳି କୋଟି କୋଟି ସିନେମାପ୍ରିୟ ଦର୍ଶକ ତଥା ବିଶାଳ ଐତିହ୍ୟ ଥିବା ରାଷ୍ଟ୍ର ସକାଶେ ଏହା କୌଣସି ମାନ୍ୟତା ରଖୁନଥିଲା । ତେଣୁ ଏଫଟିଆଇଆଇ ଫିଲ୍ମ ଆପ୍ରିସିଏସନ୍ କୋର୍ସ ମାଧ୍ୟମରେ ଦେଶରେ ଚଳଚ୍ଚିତ୍ର ସାକ୍ଷରତା ପ୍ରସାର ସକାଶେ ଏଭଳି କାର୍ଯ୍ୟକ୍ରମର ବ୍ୟବସ୍ଥା କରିଛି ଯାହା ଦେଶବ୍ୟାପୀ ବିଭିନ୍ନ ସ୍ଥାନରେ ଆୟୋଜିତ ହେବ । ଏହାଦ୍ୱାରା ଚଳଚ୍ଚିତ୍ର ଶିକ୍ଷା ସମସ୍ତଙ୍କ ପାଇଁ ସୁଲଭରେ ସହଜଲବ୍ଧ ହୋଇପାରିବ । ବିଶ୍ୱର ଏକ ପ୍ରମୁଖ ଚଳଚ୍ଚିତ୍ର ପ୍ରତିଷ୍ଠାନ ଠାରୁ ଓଡ଼ିଶାର ଚଳଚ୍ଚିତ୍ର ପ୍ରେମୀମାନେ ଚଳଚ୍ଚିତ୍ର ସମ୍ବନ୍ଧୀୟ ଶିକ୍ଷା ଲାଭ କରିପାରିବେ । ବିଗତ ୯ ମାସ ମଧ୍ୟରେ ଏଫଟିଆଇଆଇ ପୁନେ, ମୁମ୍ବାଇ, ନାଗପୁର, ଦିଲ୍ଲୀ, ଜୟପୁର, ଗୁଆହାଟି, ଶ୍ରୀନଗର, (ଜାମ୍ମୁ ଓ କାଶ୍ମୀର), ହରିଦ୍ୱାର ଏବଂ ଶ୍ରୀନଗର (ଉତରାଖଣ୍ଡ) ଠାରେ ଏଭଳି ଫିଲ୍ମ ଆପ୍ରିସିଏସନ୍ କୋର୍ସର ଆୟୋଜନ କରିସାରିଛି ବୋଲି ଏହାର ପୁନେସ୍ଥିତ ପ୍ରତିଷ୍ଠାନ ନିର୍ଦ୍ଦେଶକ ଭୁପେନ୍ଦ୍ର କେଂଥୋଲା ପ୍ରକାଶ କରିଛନ୍ତି । ଏହି କୋର୍ସ ବିଶିଷ୍ଟ ଚଳଚ୍ଚିତ୍ର ପ୍ରଶିକ୍ଷକ ପଙ୍କଜ ସାକ୍ସେନା, ଯିଏକି ଏଫଟିଆଇଆଇର ଜଣେ ପ୍ରାକ୍ତନ ଛାତ୍ର, ତାଙ୍କ ଦ୍ୱାରା ପରିଚାଳନା କରାଯିବ । ଶ୍ରୀ ସାକ୍ସେନା ଦିଲ୍ଲୀର ଜଣେ ଚଳଚ୍ଚିତ୍ର ନିର୍ମାତା ତଥା ଟେଲିଭିଜନ୍ ପ୍ରୋଗ୍ରାମର୍ । ତାଙ୍କର ପେଶାଦାର ଜୀବନ ପ୍ରାୟ ତିନି ଦଶନ୍ଧିରୁ ଅଧିକ ସମୟ ବ୍ୟାପ୍ତ । ସେ ଡ଼ିସକଭରୀ ଚାନେଲ, ବିବିସି ୱାର୍ଲ୍ଡୱାଇଡ଼ ଚାନେଲ୍, ଲୋକସଭା ଟେଲିଭିଜନ୍ ଏବଂ ଟାଇମ୍ସ ଟେଲିଭିଜନ୍ ପାଇଁ କାର୍ଯ୍ୟ କରିଛନ୍ତି । ଫେବୃୟାରୀ ୨୦, ୨୦୧୮ ତାରିଖ ଦିନ ଏହି ଫିଲ୍ମ ଆପ୍ରିସିଏସନ୍ କୋର୍ସ ସମାପ୍ତ ହେବ ।
