ପାରଳାଖେମୁଣ୍ଡି/ବାଳକୃଷ୍ଣ ପାଣିଗ୍ରାହୀ : ଘୁର୍ଣିଝଡ " ଫନି " ଓଡିଶା ଉପକୂଳରେ ବାତ୍ୟାର ରୁପ ନେବା ଜଣାପଡିବା ପରେ ଏହାର କଡ଼ା ମୁକାବିଲା କରିବାର ପ୍ରସ୍ତୁତି ନେଇ ଗଜପତି ଜିଲ୍ଲାପାଳଙ୍କ ପକ୍ଷରୁ ଏକ ସାମ୍ବାଦିକ ସମ୍ମିଳନୀ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ସାମ୍ବାଦିକ ମାନଙ୍କୁ ସୁଚନା ଦେଇ ଜିଲ୍ଲାପାଳ ଅନୁପମ ସାହା କହିଥିଲେ ମେ ୨ ତାରିଖରେ ଗଜପତି ଜିଲ୍ଲାକୁ ଝଡ଼ବାତ୍ୟା ଫନି ଆସିବାର ସମ୍ଭାବନା ରହିଛି । ବିଭିନ୍ନ ସ୍ତରରେ ଜିଲ୍ଲା ପ୍ରଶାସନ ପକ୍ଷରୁ ଏହାର କଡ ମୁକାବିଲା କରାଯିବା ପାଈଁ ଜିଲ୍ଲାବ୍ୟାପୀ ଜିଲ୍ଲା ଓ ବ୍ଲକ ସ୍ତରରେ ପ୍ରଶାସନିକ ଅଧିକାରୀ ମାନଙ୍କୁ ଦାୟିତ୍ଵ ବଣ୍ଟନ କରାଯାଇଛି । ବାତ୍ୟା ପାଈଁ ସମସ୍ତ କର୍ମଚାରୀ ମାନଂକ ଛୁଟିକୁ ବାତିଲ କରାଯାଇଛି । ସମସ୍ତ ଲୋକମାନଙ୍କୁ ସେମାନଙ୍କ ବ୍ଲକରେ ବାତ୍ୟା ଆଶ୍ରୟ ସ୍ଥଳ ଓ ସ୍କୁଲ ଗୁଡ଼ିକ ଚିହ୍ନଟ କରି ସେଠାକୁ ସମ୍ଭାବ୍ୟ ବିପନ୍ନ ଲୋକମାନଙ୍କୁ ଆଣି ରଖିବା, ସେଠାରେ ଶୁଖିଲା ଓ ରନ୍ଧା ଖାଦ୍ୟ , ଶିଶୁ ଖାଦ୍ୟ ଏବଂ ଔଷଧ ସବୁ ପ୍ରଚୁର ପରିମାଣରେ ମହଜୁଦ ରଖିବାକୁ ନିର୍ଦ୍ଦେଶ ଦିଆଯାଇଛି । ଅନ୍ୟ ପକ୍ଷରେ ଗର୍ଭବତୀ ଓ ପ୍ରସୂତି ମହିଳା ମାନଙ୍କୁ ଚିହ୍ନଟ କରି ଆଗୁଆ ଭାବେ ସ୍ୱାସ୍ଥ୍ୟକେନ୍ଦ୍ର ଓ ସୁରକ୍ଷିତ ସ୍ଥାନକୁ ଅଙ୍ଗନବାଡି କର୍ମୀମାନେ ଆଣିବା ପଦକ୍ଷେପ ନେବାକୁ ପରାମର୍ଶ ଦିଆଯାଇଛି ବୋଲି ଜିଲ୍ଲାପାଳ ଶ୍ରୀ ସାହା କହିଥିଲେ । ଏହି କାର୍ଯ୍ୟକ୍ରମରେ ଜିଲ୍ଲା ଜରୁରୀକାଳୀନ ଅଧିକାରୀ ସତ୍ୟସମ୍ପନ୍ନା ରାଉତ ଉପସ୍ଥିତ ଥିଲେ ।
