ହେଡଲାଇନସ୍:

ବିଜେପିରେ ସାମିଲ ହେଲେ ପୂର୍ବତନ ମନ୍ତ୍ରୀ ଅଞ୍ଜଳି ବେହେରା

User Rating: 0 / 5

Star InactiveStar InactiveStar InactiveStar InactiveStar Inactive
 

ଭୁବନେଶ୍ୱର:ଶାସକ ବିଜୁ ଜନତା ଦଳ ସରକାରଙ୍କ ଅପାରଗତା ଓ ନିଷ୍କ୍ରିୟତା ଏବଂ ବ୍ଲକ ସ୍ତରରେ ବ୍ୟାପକ ଦୁର୍ନୀତି କାରଣରୁ ରାଜ୍ୟରେ ବିକାଶର ବାଧାପ୍ରାପ୍ତ ହୋଇଛି । ଦୁର୍ନିତୀ ଓ ଭ୍ରଷ୍ଟାଚାର କାରଣରୁ ରାଜ୍ୟବାସୀ ହନ୍ତସନ୍ତ । ହିଂସା, ହତ୍ୟାକାଣ୍ଡ, ନାରୀ ନିର୍ଯ୍ୟାତନା, ବିପର୍ଯ୍ୟସ୍ତ ଆଇନଶୃଙ୍ଖଳା, ଅବାଧ ନିଶା କାରବାର ଭଳି ବହୁ ଅପରାଧିକ କାର୍ଯ୍ୟ ଦିନକୁ ଦିନ ବୃଦ୍ଧି ପାଇଚାଲିଛି । ଗୋଟିଏ ପଟେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ବିକାଶକୁ ପ୍ରଧାନ୍ୟ ଦେଇ କାର୍ଯ୍ୟ କରୁଥିବାବେଳେ ଅନ୍ୟ ପଟେ ବ୍ୟାପକ ଦୁର୍ନିତୀ କାରଣରୁ ଓଡିଶାବାସୀ ବିଭିନ୍ନ ଜନକଲ୍ୟାଣ ଯୋଜନାର ସୁଫଳ ପାଇବାକୁ ବଂଚିତ ହେଉଛନ୍ତି । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ଏବଂ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀ ଜଗତ ପ୍ରକାଶ ନଡ୍ଡାଙ୍କ ନୀତି ଆଦର୍ଶରେ ଅନୁପ୍ରାଣିତ ହେବା ସହ ଆଗାମୀ ଦିନରେ ଆମେ ସମସ୍ତେ ଏକାଠି ହୋଇ ଭାରତୀୟ ଜନତା ପାର୍ଟୀକୁ ହିନ୍ଦୋଳ ନିର୍ବାଚନମଣ୍ଡଳୀ ସମେତ ସମଗ୍ର ରାଜ୍ୟରେ ଏକ ନମ୍ବର ଦଳ ଭାବେ ଗଢି ତୋଳିବା ପାଇଁ ପ୍ରତିଶୃତିବଦ୍ଧ ବୋଲି ଆଜି ବିଜେପିରେ ସାମିଲ ହେବା ଅବସରରେ ବିଜେଡିର ବରିଷ୍ଠ ନେତ୍ରୀ ତଥା ପୂର୍ବତନ ମନ୍ତ୍ରୀ ଶ୍ରୀମତୀ ଅଞ୍ଜଳୀ ବେହେରା କହିଛନ୍ତି ।
ରାଜ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ମିଶ୍ରଣ ପର୍ବରେ ଶ୍ରୀମତୀ ବେହେରାଙ୍କ ସହ ବିଜେଡି ନେତ୍ରୀ ତଥା ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ବିନୋଦିନୀ ସାମଲ, ବରିଷ୍ଠ ବିଜେଡି ନେତା ଆଇନଜୀବି ଦୁର୍ଗାଚରଣ ମାଝୀ, ପୂର୍ବତନ ବିଜେଡି ବ୍ଲକ ସଭାପତି ସୁନୀଲ କୁମାର ପାଟଣା, ପୂର୍ବତନ ଯୁବ ବିଜେଡି ସଭାପତି ପ୍ରଦୀପ କୁମାର ସାହୁ, ଆଇନଜୀବି ପ୍ରଶାନ୍ତ ରାଉତ, ସୁଶାନ୍ତ ସାହୁ, ପ୍ରଶାନ୍ତ ପତି, ପୂର୍ବତନ ସରପଂଚ ସୁରେଶ ରାଉତ, ନଳିନୀ ରାଉତ, କୁମୁଦିନୀ ସାହୁ, ଉପେନ୍ଦ୍ର ଦେହୁରୀ, କବିତା ସାମଲ, ବିଜୟ ସାହୁ, ପୂର୍ବତନ ୱାର୍ଡ ମେମ୍ବର ଯୁଗଲ ସିଂ, ଶତୃଘ୍ନ ସାହୁ, ହୃଷିକେଶ ପାତ୍ର, ମଦନ ପ୍ରଧାନ, ସରୋଜ ପଣ୍ଡା, ଚନ୍ଦନ ମହାଭୋଇ ପ୍ରମୁଖଙ୍କ ସମେତ ହଜାର ହଜାର ସମର୍ଥକ ଆନୁଷ୍ଠାନିକ ଭାବେ ବିଜେପିରେ ସାମିଲ ହୋଇଛନ୍ତି ।
ସେହିପରି ବରିଷ୍ଠ କଂଗ୍ରେସ ନେତା ତଥା ପରଜଂଗ ନିର୍ବାଚନମଣ୍ଡଳୀ ବିଧାନସଭା ପ୍ରାର୍ଥୀ ଶ୍ରୀ ସନ୍ତୋଷ କୁମାର ରାଉତ ଆଜି ନିଜ ସମର୍ଥକଙ୍କ ଗ୍ରହଣରେ ବିଜେପିରେ ସାମିଲ ହୋଇଛନ୍ତି । ଶ୍ରୀ ରାଉତଙ୍କ ସହ ପରଜଂଗ ନିର୍ବାଚନମଣ୍ଡଳୀର ବରିଷ୍ଠ କଂଗ୍ରେସ ନେତା ଦିଲୁ ମହାନ୍ତି, ବାବୁଲି ନାୟକ, ଗଣେଶ୍ୱର ମହାନ୍ତି, ନିରଂଜନ ସେଠୀ, ଜୟନ୍ତ କୁମାର ସାହୁ, ରାଜକିଶୋର ରାଉତ, ଅକ୍ଷୟ ବରାଳ, ନରୋତମ ସିଂହ, ସୁକଦେବ ପରିଡା, ବିଜୟ ପାତ୍ର, ଅଦୈତ ସେଠ, ପରିକ୍ଷୀତ ବେହେରା, ବିଶ୍ୱଜିତ ତ୍ରିପାଠୀ, ହିମାଂଶୁ ପଣ୍ଡା, ସଂଜୟ ସାହୁ, ପ୍ରଦୀପ ନାୟକ, ହେମନ୍ତ ସାହୁ, ଦିଲୀପ ବିଶ୍ୱାଳପ୍ରମୁଖଙ୍କ ସମେତ ବହୁ ସଂଖ୍ୟାରେ ବିଜେପିରେ ସାମିଲ ହୋଇଛନ୍ତି ।
ଅନୁଗୁଳ ନିର୍ବାଚନମଣ୍ଡଳୀର ବିଜେଡି ଓ କଂଗ୍ରେସ ଦଳ ପରିତ୍ୟାଗ କରି ଛବିରାଜ ବିଶ୍ୱାଳ, ସୁବ୍ରତ ବିଶ୍ୱାଳ, ଭବାନୀ ବିଶ୍ୱାଳ, ସରୋଜ ବିଶ୍ୱାଳ, ସଂଜୀବ ନାୟକ, ଦୀପକ ନାୟକ, କିଶୋର ନାୟକ, ସନ୍ତୋଷ ନାୟକ ପ୍ରମୁଖଙ୍କ ସମେତ ବହୁ କାର୍ଯ୍ୟକର୍ତା ସାମିଲ ହୋଇଛନ୍ତି ।
ନିମାପଡା ନିର୍ବାଚନମଣ୍ଡଳୀର ଦେବାଶିଷ ଆଚାର୍ଯ୍ୟ, ସୁରେନ୍ଦ୍ର ପ୍ରଧାନ, ପବିତ୍ର ଦାଶ, ସନ୍ତୋଷ ରଥ, ମିକୁ ବେହେରା, ଜୟନ୍ତ ମିଶ୍ର, ବିଗୁଲା ବେହେରା, କାଳନ୍ଦୀ ବେହେରା, ଅନନ୍ତ ବେହେରା, ସଦାନନ୍ଦ ବେହେରା, ମିଟୁ ବରାଳ, ଲକ୍ଷ୍ମୀଧର ପଣ୍ଡା, ବାବନ ବେହେରା, ସତ୍ୟନାରାୟଣ ମାର୍ଥା, ଭକ୍ତଚରଣ ସାମନ୍ତସିଂହାର, ଅଭିମନ୍ୟୁ ସାହୁ, ରାମଚନ୍ଦ୍ର ମାଝୀ, ଦିଜବର ସାମନ୍ତରାୟ, କାହ୍ନୁଚରଣ ନାୟକ, ରମେଶ ଖତିଆ, ସୁବାଷ ନାୟକ, ନିଳକଂଠ ସାହୁ ପ୍ରମୁଖ ନିଜ ନିଜ ସମର୍ଥକଙ୍କ ଗ୍ରହଣରେ ବିଜେପିରେ ସାମିଲ ହୋଇଛନ୍ତି ।
ରାଜ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ମିଶ୍ରଣ ପର୍ବ ଅବସରରେ କେନ୍ଦ୍ରମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ, ରାଜ୍ୟ ସଭାପତି ଶ୍ରୀ ସମୀର ମହାନ୍ତି, ରାଜ୍ୟ ସାଧାରଣ ସଂପାଦକ (ସଂଗଠନ) ଶ୍ରୀ ମାନସ କୁମାର ମହାନ୍ତି, ରାଜ୍ୟ ଉପସଭାପତି ପ୍ରଭାତୀ ପରିଡା ଓ ଭୃଗୁ ବକ୍ସିପାତ୍ର, ରାଜ୍ୟ ସାଧାରଣ ସଂପାଦକ ଗୋଲକ ମହାପାତ୍ର ଓ ଡ.ଲେଖାଶ୍ରୀ ସାମନ୍ତସିଂହାର, ରାଜ୍ୟ ମୁଖପାତ୍ର ଠାକୁର ରଣଜିତ୍ ଦାସ ପ୍ରମୁଖ ଉପସ୍ଥିତ ରହି ନୂତନ ଭାବେ ଯୋଗଦାନ କରିଥିବା ସମସ୍ତ ସଦସ୍ୟଙ୍କୁ ଉତରୀୟ ଓ ଟୋପି ପିନ୍ଧାଇ ସ୍ୱାଗତ ଜଣାଇଥିଲେ ।
ଏହି ଅବସରରେ ଢେଙ୍କାନାଳ ଜିଲ୍ଲା ସଭାପତି ନରେଶ ଚନ୍ଦ୍ର ମହାପାତ୍ର, ପୁରୀ ଜିଲ୍ଲା ସଭାପତି ଆଶ୍ରୀତ ପଟ୍ଟନାୟକ, ଭୂବନେଶ୍ୱର ଜିଲ୍ଲା ସଭାପତି ବାବୁ ସିଂ, ପୂର୍ବତନ ସାଂସଦ ରୁଦ୍ର ପାଣି, ବିଭୁତି ପ୍ରଧାନ, ଶତୃଘ୍ନ ଜେନା, ଜିଲ୍ଲା ସାଧାରଣ ସଂପାଦକ ସୁନୀଲ ଶର୍ମା, ରାସବିହାରୀ ବେହେରା, ରତିକାନ୍ତ ସାହୁ, ରାମଚନ୍ଦ୍ର ପାତ୍ର, ଯୁବମୋର୍ଚ୍ଚା ରାଜ୍ୟ ସାଧାରଣ ସଂପାଦକ ଦୀପକ ଗୋଚ୍ଛାୟତ ପ୍ରମୁଖ ଉପସ୍ଥିତ ଥିଲେ ।

 

 

 

0
0
0
s2sdefault