ଗାଁ ଗାଁରେ ଲୋକେ ଜ୍ବରରେ ଆକ୍ରାନ୍ତ : କରୋନା ଭୟରେ ଯାଉନାହାନ୍ତି ଡାକ୍ତରଖାନା ।
ବୀରମହାରାଜାପୁର - (ବିନୋଦ ପାଣ୍ଡେ ):ସୁବର୍ଣ୍ଣପୁର ଜିଲ୍ଲା ବୀରମହାରାଜାପୁର ବ୍ଲକର ପ୍ରତେକ ଗ୍ରାମରେ ଶହ ଶହ ଲୋକ ଥଣ୍ଡା, ଜ୍ଵରରେ ଆକ୍ରାନ୍ତ ହେଉଛନ୍ତି । କରୋନା ଭୟରେ ଲୋକେ ଡାକ୍ତରଖାନା ନଯାଇ ବିଭିନ୍ନ କ୍ୱାକ୍ ମାନଙ୍କ ଠାରୁ ଔଷଧ ଆଣି ଖାଇ ଦେଇ ରହିଯାଉଛନ୍ତି । କ୍ୱାକ୍ ମାନେ ମଧ୍ଯ ଏହାର ଭରପୁର ଫାଇଦା ନେଇ ରୋଗୀଙ୍କୁ ଶୋଷଣ କରୁଛନ୍ତି । ଯାହା ଦ୍ବାରା ସାମାନ୍ଯ ଜର ହେଲେ ଅଧିକ ପରିମାଣରେ ଔଷଧ ଦେଇ ରୋଗୀଙ୍କୁ ମୃତ୍ୟୁମୁଖକୁ ଠେଲି ଦେଉଛନ୍ତି । ଗାଁ ଗୁଡ଼ିକରେ ଜ୍ଵର, କାଶ ହେଲେ ଅଗନୱାଡି କର୍ମୀ, ଆଶା କର୍ମଚାରୀଙ୍କୁ ଲୋକେ ସଠିକ୍ ତଥ୍ୟ ନଦେଇ ବାରଣ କରୁଛନ୍ତି । ଗ୍ରାମରେ ଥିବା କରୋନା ପରିଚାଳନା କମିଟି କେବଳ କାଗଜ କଲମରେ ସୀମିତ ରହୁଛି । କରୋନା ସଂକ୍ରମିତ ଚିହ୍ନଟ ହେବା ପରେ ସେମାନଙ୍କୁ କୋଭିଡ୍ କେୟାର ସେଣ୍ଟର କିମ୍ବା ଅସ୍ଥାୟୀ ସ୍ଵାସ୍ଥ୍ୟ କେନ୍ଦ୍ରରେ ରଖାନଯାଇ ଘରେ ରହିବାକୁ ପରାମର୍ଶ ଦେବା ମହଙ୍ଗା ପଡ଼ିଛି ବୋଲି ଆଲୋଚନା ହେଉଛି । ପଜିଟିଭ ଚିହ୍ନଟ ହୋଇଥିବା ଅନେକ ବ୍ୟକ୍ତି ବାହାରେ ବୁଲାବୁଲି କରୁଥିବାରୁ ସଂକ୍ରମଣ ଦ୍ରତ ଗତିରେ ବୃଦ୍ଧି ପାଉଛି । ଜିଲ୍ଲା ସ୍ବାସ୍ଥ୍ୟ ବିଭାଗ ମଧ୍ୟ ଏଦିଗରେ କୌଣସି ରୋକ ଲଗାଉନଥିବାରୁ ଆଗାମୀ ଦିନରେ ଏହା ଭୟାବହ ପରିସ୍ଥିତି ଦେଖା ଦେବ ବୋଲି ଏବଂ ବ୍ଲକର ସମସ୍ତ ଗ୍ରାମକୁ ଭ୍ରାମ୍ୟମାଣ ସ୍ଵାସ୍ଥ୍ୟ ସେବା ଯୋଗାଇଦେବାକୁ ଦାବି ହୁଏ
