ବୌଦ୍ଧ କେନ୍ଦ୍ର ସମବାୟ ବ୍ୟାଙ୍କର ସଚେତନତା କାର୍ଯ୍ୟକ୍ରମ
ବୌଦ୍ଧ (ସିମୁନ୍ ନାଏକ) ; ବୌଦ୍ଧ ସମବାୟ କେନ୍ଦ୍ର ବ୍ୟାଙ୍କ ତରଫରୁ ସ୍ଥାନୀୟ ଗୁରୁ ଭିକାରୀ ନାଏକ କଳାମଣ୍ଡପ ଠାରେ ସମବାୟ ଆପଣଙ୍କ ଦ୍ୱାରରେ ୨୦୧୮ ଅଭିଯାନ କାର୍ଯ୍ୟକ୍ରମ ବୁଧବାର ଦିନ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଓଡିଶା ବିଧାନସଭାର ବାଚସ୍ପତି ପ୍ରଦୀପ କୁମାର ଅମାତ ଯୋଗ ଦେଇ ରାଜ୍ୟ ସରକାରଙ୍କ ସମବାୟ ଯୋଜନାରେ ସାଧାରଣ ଚାଷୀଙ୍କୁ କିପରି ସହାୟତା ପ୍ରଦାନ କରାଯିବ ସେନେଇ ସଂସ୍ଥାକୁ ସୁଦୃଢ କରାଯିବ ବୋଲି ଉଦବୋଧନ ଦେଇଥିଲେ । ସମବାୟ ବ୍ୟାଙ୍କ ସବୁବେଲେ ଚାଷିମାନଙ୍କ ପାଖରେ ରହି ସେମାନଙ୍କ ଅର୍ଥିକ ସ୍ଥିତିକୁ ସୁଦୃଢ କରିବ ବୋଲି କାର୍ଯ୍ୟନିର୍ବାହୀ ଅଧିକାରୀ ସୁରେନ୍ଦ୍ର କୁମାର ପ୍ରଧାନ କହିଥିଲେ । ମୁଖ୍ୟବକ୍ତା ଭାବେ କଣ୍ଟାମାଳ ବିଧାୟକ ମହିଧର ରଣା ଯୋଗ ଦେଇଥିବା ବେଳେ ସମ୍ମାନୀତ ଅତିଥି ଭାବେ ବୌଦ୍ଧ ଜିଲ୍ଲାପାଳ ମଧୁସୂଦନ ମିଶ୍ର, ଅତିରିକ୍ତ ଶାସନ ସଚିବ ସମବାୟ ବିଭାଗ ଭରତ ଚନ୍ଦ୍ର ବେହେରା , ଓଡିଶା ରାଜ୍ୟ ସମବାୟ ବ୍ୟଙ୍କ ସଭାପତି ଅକ୍ଷୟ କୁମାର ମହାନ୍ତି, ଉପନିବନ୍ଧକ ବୌଦ୍ଧ ପ୍ରମୋଦ ସାହୁ ପ୍ରମୁଖ ଉପସ୍ଥିତ ଥିଲେ । ଆରଏମସି ସଂପାଦକ ହାଡିବନ୍ଧୁ ମହାକୁଡ ମଂଚ ପରିଚାଳନା କରିଥିବା ବେଳେ ସମବାୟ ସଂସ୍ଥାର ସଭ୍ୟମାନେ ଉପସ୍ଥିତ ଥିଲେ । ଏହି ଅବସରରେ ଏକ ରାଜସ୍ୱ ରଥର ଶୁଭାରମ୍ଭ କରାଯାଇଥିଲା । ସମଗ୍ର ଜିଲ୍ଲାର ୨୯ ଟି ଭାଗବତ ଟୁଙ୍ଗୀକୁ ପ୍ରତ୍ସାହନ ରାଶି ଓ ମାଇକ ପ୍ରଦାନ କରାଯାଇଥିଲା ।