ହାକ ହୋଇଥିବା ଆକାଉଣ୍ଟରୁ ଦୂର ହେଲା ଅସଙ୍ଗତି
ଭୁବନେଶ୍ୱର : ଆଜି କରୋନା ପଜିଟିଭ ଚିହ୍ନଟ ହୋଇ ହୋମ ଆଇସୋଲେସନରେ ଥିବା କୃଷି ତଥା ଉଚ୍ଚଶିକ୍ଷା ମନ୍ତ୍ରୀ ଡ଼ ଅରୁଣ ସାହୁଙ୍କ ଆଶୁ ଆରୋଗ୍ୟ କାମନା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ | ଆଉ ମୁଖ୍ୟମନ୍ତ୍ରୀଙ୍କ ଶୁଭକାମନା ପାଇଁ କୃତଜ୍ଞତା ଜଣାଇଛନ୍ତି ଅରୁଣ | ସେହିପରି ତାଙ୍କ ଆଶୁ ଆରୋଗ୍ୟ କାମନା କରିଥିବା ମନ୍ତ୍ରୀ, ବିଧାୟକ ତଥା ଅନ୍ୟ ସମସ୍ତ କର୍ମକର୍ତ୍ତା ଓ ବ୍ୟକ୍ତି ବିଶେଷଙ୍କୁ କୃତଜ୍ଞନ୍ତ ଜଣାଇଛନ୍ତି | ସୂଚନାଯୋଗ୍ୟ ଯେ ରାଜ୍ୟ ସରକାରଙ୍କ ଦ୍ଵିତୀୟ ମନ୍ତ୍ରୀ ଭାବେ ଆଜି କରୋନା ପଜିଟିଭ ଚିହ୍ନଟ ହୋଇଥିଲେ ମନ୍ତ୍ରୀ ଡ଼ ସାହୁ | ଆଉ ଏ ବିଷୟ ନିକେ ମନ୍ତ୍ରୀ ସୋସିଆଲ ମିଡି଼ଆରେ ସୂଚନା ଦେଇଥିଲା | ସେ ବର୍ତ୍ତମାନ ହୋମ ଆଇସୋଲେସନ ରେ ଅଛନ୍ତି | ସେ ଭଲ ଅଛନ୍ତି ଆଉ ତାଙ୍କ ସହ ଯେଉଁମାନେ ଗତ କିଛି ଦିନ ଭିତରେ ମିଶିଛନ୍ତି ସେମାନେ ନିଜ ନିଜର ପରୀକ୍ଷା କରାଇନେବା ପାଇଁ ଅନୁରୋଧ କରିଥିଲେ ମନ୍ତ୍ରୀ ଡ଼ ସାହୁ |
ଅନ୍ୟପକ୍ଷରେ କିଛି ଦିନ ତଳେ ତାଙ୍କ ଫେସବୁକ ଆକାଉଣ୍ଟକୁ କେହି ଦୁର୍ବୃତ୍ତ ହାକ କରିଦେଇଥିବା ବେଳେ ତାହା ସର୍ଟ ଆଉଟ ହୋଇଯାଇଥିବା ଯୋଗୁ ଏ ଅସଙ୍ଗତି ଦୂର କରିବାରେ ସହାୟକ ହୋଇଥିବା ବ୍ୟକ୍ତି ବିଶେଷଙ୍କୁ ମନ୍ତ୍ରୀ ଶ୍ରୀ ସାହୁ ଧନ୍ୟବାଦ ଜଣାଇଛନ୍ତି |
