ଆଜି ସୁସ୍ଥ ହେଲେ ୯୯ କରୋନା ଆକ୍ରାନ୍ତ
ଭୁବନେଶ୍ୱର : ଆଜି ସକାଳେ କରୋନା ଆକ୍ରାନ୍ତଙ୍କ ସଂଖ୍ୟା ୩୦୦୦ ପାଖାପାଖି ପହଂଚିଥିବା ବେଳେ ଏହି ରୋଗରୁ ସୁସ୍ଥ ହେଉଥିବା ରୋଗୀଙ୍କ ସଂଖ୍ୟା ପାଖପାଖୀ ୨୦୦୦ ଛୁଇଁବ ଛୁଇଁବ ହେଉଛି ଆଜି ସୁସ୍ଥ ହୋଇଥିବା ୯୯ ଜଣଙ୍କୁ ମିଶାଇ | ଗୋଟେ ସମୟରେ ଆକ୍ରାନ୍ତ ଓ ସୁସ୍ଥଙ୍କ ମଧ୍ୟରେ ଆକାଶ ପାତାଳ ବ୍ୟବଧାନ ରହି ଆସୁଥିବା ବେଳେ ଏବେ କରୋନା ଲଢେଇ ପାଖାପାଖି ୩ : ୨ରେ ଚାଲିଛି | ଏହିସ୍ଥିତିରେ ପହଂଚିବା ପାଇଁ ଯେଉଁମାନଙ୍କ ବଳିଷ୍ଠ ଉଦ୍ୟମ ରହିଛି ସେହି କରୋନା ଯୋଦ୍ଧାମାନଙ୍କୁ ଆମ ତରଫରୁ କୃତଜ୍ଞତା |
ଆଜି ୯୯ ଜଣ ସୁସ୍ଥ ହେବା ପରେ କରୋନାରୁ ସୁସ୍ଥ ବ୍ୟକ୍ତିଙ୍କ ସଂଖ୍ୟା ୧୯୯୩ରେ ପହଂଚିଛି | ମୋଟ ଆକ୍ରାନ୍ତଙ୍କ ସଂଖ୍ୟା ଆଜି ସକାଳର ୧୩୮ ଜଣଙ୍କୁ ମିଶାଇ ୨୯୯୪ ରେ ପହଁଚିଥିବା ବେଳେ ୯୯ ସୁସ୍ଥ ହେଵା ପରେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୯୯୦କୁ ଖସି ଆସିଛି |
ଆଜି ସୁସ୍ଥଙ୍କ ମଧ୍ୟରେ ଅଛନ୍ତି ଯାଜପୁରରୁ ୧୬ ଜଣ, ଖୋର୍ଦ୍ଧାରୁ ୧୩ଜଣ, କେନ୍ଦ୍ରାପଡ଼ାରୁ ୧୧ ଜଣ, ଗଂଜାମରୁ ୯ ଜଣ, ଦେବଗଡରୁ ୮ଜଣ, କଟକରୁ ଓ ଜଗତସିଂହପୁରରୁ ୭ଜଣ ଲେଖାଏଁ, ବାଲେଶ୍ୱର,ବରଗଡ, ବଲାଙ୍ଗୀରରୁ ୬ ଜଣ ଲେଖାଏ, କେନ୍ଦୁଝରରୁ ୪ ଜଣ, ନୟାଗଡରୁ ୩ଜଣ, କୋରାପୁଟ, ସମ୍ବଲପୁର ଓ ସୁନ୍ଦରଗଡରୁ ଜଣେ ଲେଖାଏ ସୁସ୍ଥ ହୋଇଛନ୍ତି |