ନୂଆଦିଲ୍ଲୀ : ବିନା କୋବିଦ ପରୀକ୍ଷାରେ ଓଡ଼ିଶାରେ ପ୍ରବେଶ ଅନୁମତି ଦିଆନଯାଉ ବୋଲି ଓଡିଶା ହାଇକୋର୍ଟ ଗତକାଲି ଦେଇଥିବା ଆଦେଶ ଉପରେ ସ୍ଥଗିତାଦେଶ ଦେଇଛନ୍ତି ସୁପ୍ରିମ କୋର୍ଟ | ଏକ ଅର୍ଜେଂଟ ସ୍ପେସିଆଲ ଲିଭ ପିଟିସନର ଶୁଣାଣି କରି ସୁପ୍ରିମ କୋର୍ଟର ତିନିଜଣିଆ ଖଣ୍ଡପୀଠ ଓଡିଶା ହାଇକୋର୍ଟଙ୍କ ଆଦେଶକୁ ନାପସନ୍ଦ କରିବା ସହ କାଲିର ଆଦେଶକୁ ସ୍ଥଗିତ ରଖିଛନ୍ତି |
ସୂଚନାଯୋଗ୍ୟ ହେ କେବଳ କୋବିଦ -୧୯ ନେଗେଟିଭ ଥିବା ପ୍ରବାସୀଙ୍କୁ ରାଜ୍ୟ ଭିତରକୁ ପ୍ରବେଶ ନିଶ୍ଚିତ କରିବା ପାଇଁ ଓଡ଼ିଶାର ଉଚ୍ଚ ନ୍ୟାୟାଳୟ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଥିଲେ | ସାମାଜିକ କର୍ମୀ ନାରାୟଣଚନ୍ଦ୍ର ଜେନାଙ୍କ ଦ୍ୱାରା ଆଗତ ଏକ ପିଆଇଏଲର ଶୁଣାଣି କରି ମାନ୍ୟବର ଅଦାଲତ ଏହି ନିର୍ଦ୍ଦେଶ ଦେଇଥିଲେ | ଯେଉଁମାନେ ଓଡିଶା ଆସିବାକୁ ଚାହୁଁଛନ୍ତି ସେହି ରାଜ୍ୟରେ ସେମାନଙ୍କ RT PCR ଟେଷ୍ଟ କରି ଯଦି ସେମାନଙ୍କ କୋବିଦ ନେଗେଟିଭ ଥିବା ତେବେ ସେମାନଙ୍କୁ ଆସିବା ପାଇଁ ଅନୁମତି ଦେବା ପାଇଁ କହିଥିଲେ ହାଇକୋର୍ଟ |
