ବରଗଡ(ଶାସକ ପ୍ରଶାସକ) :- କୋରୋନା ମହାମାରୀ ପାଇଁ ଆଜି ଦେଶ ସାରା ଲକଡାଉନ । ଯାହାଫଳରେ ମୁଖ୍ୟତଃ ରାସ୍ତାରେ ଯିବାଆସିବା କରଥିବା ଯାନବାହନ ଚାଳକ , ଡାକ୍ତରଖାନା ମାନଙ୍କରେ ରହୁଥିବା ରୋଗୀ ଓ ସେମାନଙ୍କର ସହିତ ରହୁଥିବା ଲୋକଙ୍କ ଖାଇବା ପାଇଁ ବହୁତ ଅସୁବିଧା ହେଉଥିବାର ଦେଖିବାକୁ ମିଳୁଛି । ଯଦିଓ ରାସ୍ତା କଡରେ କିଛି ଢ଼ାବା ଖୋଲା ରହୁଛି ତେବେ ବି ଅସୁବିଧା ତ ହେଉଛି । ଏହି ଅସୁବିଧା କୁ ଅନୁଭବ କରି ବରଗଡ଼ ନିଷ୍ଠା ପରିବାର ତରଫରୁ ଆଜକୁ ୧୩ ଦିନଧରି ବରଗଡ଼ ତଥା ବୁର୍ଲା ର ବିଭିନ୍ନ ସ୍ଥାନରେ ଡ୍ରାଇଭର ଓ ଡାକ୍ତରଖାନାରେ ଚିକିତ୍ସିତ ହେଉଥିବା ରୋଗୀ ଓ ସେମାନଙ୍କ ସମ୍ପର୍କୀୟ ଙ୍କର ପାଇଁ ରନ୍ଧା ଖାଦ୍ୟ ଓ ଜଳଖିଆର ବ୍ୟବସ୍ଥା କରାଯାଉଛି । ବରଗଡ଼ ସ୍ଥିତ ବିକାଶ ହସ୍ପିଟାଲ ଛକ ରେ ନିଷ୍ଠା ପରିବାର ତରଫରୁ ଅମ୍ବୁଲେନସ ଏବଂ ଟ୍ରକ ଡ୍ରାଇଭର ତଥା ସହଯୋଗୀ ମାନଙ୍କୁ ଦିନ ବେଳା ର ରନ୍ଧା ଖାଦ୍ୟ ବଣ୍ଟନ କରାଯାଉଛି। ବୁର୍ଲା ରେ ମଧ୍ୟ ରୋଗୀ ତଥା ସେମାନଙ୍କର ସହାୟକ ମାନଙ୍କୁ ଟିଫିନ ପାଇଁ ନାହିଁ ନଥିବା ହଇରାଣ ହେଉଥିବା ବେଳେ ନିଷ୍ଠା ଚାରି ଦିନ ହେଲା ସକାଳ ୭ଟାରୁ ଟିଫିନ ର ବ୍ୟବସ୍ଥା କରୁଛି। ଏଠାରେ ସୂଚନାଯୋଗ୍ୟ ଯେ ବରଗଡ଼ ନିଷ୍ଠା ପରିବାର ଆରମ୍ଭରୁ ଜନସେବା କ୍ଷେତ୍ରରେ ରକ୍ତ ଦାନ,କରୋନା ସଚେତନତା,ଗାଁ ଗାଁ ରେ ମାସ୍କ ବଣ୍ଟନ କରି ଆସୁଛି,। ସବୁଠାରୁ ବଡ ଓ ପ୍ରଶଂସନୀୟ କଥା ହେଉଛି ଯେ ନିଷ୍ଠା ପରିବାର ଅଚିହ୍ନା ଅଜଣା ଲୋକଙ୍କର ମୃତଦେହର ସମ୍ପୂର୍ଣ୍ଣ ରୀତିନୀତିରେ ଶବ ସଂସ୍କାର ମଧ୍ୟ କରୁଛି ନିଷ୍ଠା ପରିବାର ର ମହତ କାର୍ଯକୁ ନିଶ୍ଚିତ ଭାବରେ ପ୍ରଶଂସନୀୟ ଓ ଅନ୍ୟ ମାନଙ୍କ ପାଇଁ ନିଶ୍ଚିତ ଭାବରେ ପ୍ରେରଣା ଦାଇ ଏଥିରେ ସନ୍ଦେହ ନାହିଁ ।
