ଢେଙ୍କାନାଳ(ଶାସକ ପ୍ରଶାସକ) :- କୂଅରେ ପଡିଲା ଗାଡ ଭାଲୁ । ଏଭଳି ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ହିନ୍ଦୋଳ ବନାଞ୍ଚଳର ଦୁଦୁରୁକୋଟ ଗ୍ରାମରେ । ଗାଁର ଏକ ପରିତ୍ୟକ୍ତ କୂଅରେ ଏହି ଭାଲୁଟି ପଡିଯାଇଥିବା ଦେଖାଯାଇଥିଲା । ଏହାକୁ ଦେଖିବାକୁ ଗାଁର ଆଖପାଖ ଅଞ୍ଚଳର ଲୋକେ ଭିଡ ଜମାଇଥିଲେ ।
ଗ୍ରାମବାସୀଙ୍କଠାରୁ ଖବର ପାଇ ହିନ୍ଦୋଳ ବନ କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ । ପରେ ଗ୍ରାମବାସୀଙ୍କ ସହାୟତାରେ ଦୀର୍ଘ ୨ଘଣ୍ଟା ପରିଶ୍ରମ କରି ସୁରକ୍ଷିତ ଅବସ୍ଥାରେ ଏହି ଭାଲୁକୁ ଉଦ୍ଧାର କରିବାରେ ସକ୍ଷମ ହୋଇଛନ୍ତି । ଉଦ୍ଧାର ପରେ ଭାଲୁଟି ନିକଟସ୍ଥ ଜଙ୍ଗଲକୁ ପଳାଇ ଯାଇଥିବା ଜଣାପଡିଛି ।
