୫ଟି ଦାବି ଉପରେ ନବୀନଙ୍କ ଜବାବ ମାଗିଲା
ବଲାଙ୍ଗୀରରୁ ନୀରୋଜ ମିଶ୍ର/ଗୁରୁଶଙ୍କର ପାଇକ : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶନିବାର ବଲାଙ୍ଗିର ଗସ୍ତରେ ଆସୁଛନ୍ତି । ୧୦ଟା ୫୫ ମିନିଟ୍ରେ ସେ ମନୋହରପୁର ହେଲିପ୍ୟାଡରେ ଓହ୍ଲାଇବା ପରେ ସେଠାରୁୁ ସର୍କିଟ ହାଉସ ଅଭିମୁଖେ ଯାତ୍ରା କରିବେ । ତାପରେ ଯାଇ ଏମସିଏଚ୍ ବିଲଡିଂ, ସରକାରୀ କଲେଜ ବିଲଡିଂ, ମହିପାଲ ନାଲା ଉପରେ ଗୋଟାଏ ପୋଲ, ଉଦ୍ଘାଟନ କରିବା ସହ ପଡିଝର ନାଲା ବ୍ରିଜ, ଅଙ୍ଗ ନଦୀ ଉପରେ ପୋଲର ଶିଳାନ୍ୟାସ କରିବେ । ସେଠାରେ ଲାଗିଥିବା ଷ୍ଟଲ ବୁଲିବା ସହ ବିଭିନ୍ନ କାର୍ଯ୍ୟକ୍ରମର ହିତାଧିକାରୀମାନଙ୍କୁ ସହାୟତାା ପ୍ରଦାନ କରିବେ । ତାପରେ କୋଶଳ କଳାମଣ୍ଡଳ ଗ୍ରାଉଣ୍ଡରେ ଏକ ବିରାଟ ଜନସଭାକୁ ସମ୍ବୋଧିତ କରିବେ । ଏହି କାର୍ଯ୍ୟକ୍ରମ ରେ ବିରୋଧୀ ଦଳନେତା ନରସିଂହ ମିଶ୍ର, ସାଂସଦ ଅନଙ୍ଗ ଉଦୟ ସିଂହଦେଓ, କଳିକେଶ ସିଂହଦେଓଙ୍କ ସମେତ ଅନ୍ୟ ବିଧାୟକମାନେ ଯୋଗ ଦେବାର କାର୍ଯ୍ରକ୍ରମ ରହିଛି । ମୁଖ୍ୟମନ୍ତ୍ରୀଙ୍କ ଗସ୍ତ ପାଇଁ ଜିଲ୍ଲା ଓ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବନେ୍ଦାବସ୍ଥ କରାଯାଇଛି ।
ମୁୂଖ୍ୟମନ୍ତ୍ରୀଙ୍କ ଗସ୍ତ ପୂର୍ବରୁ କଂଗ୍ରେସ ଦଳ ପକ୍ଷରୁ ସହରରେ ଏକ ପ୍ରଚାର ରଥ ବୁଲିଛି । ଏହି ରଥରେ ମୁଖ୍ୟମନ୍ତ୍ରୀଙ୍କ ୫ଟି ପ୍ରଶ୍ନ ପଚରାଯାଇଛି ।
୧- ଆସନ୍ତା ୨୦୧୮ରେ ବଲାଙ୍ଗୀର ମେହିକାଲ କଲେଜରେ ନାମଲେଖା ହେବ ବୋଲି ଘୋଷଣା କରିବେ କହି ?
୨- ବଲାଙ୍ଗୀରାର ସରକାରୀ ଇଞ୍ଜିନିୟରିଂ କଲେଜ ପ୍ରତିଷ୍ଠା ଘୋଷଣା କରିବେ କି ?
୩- ବହୁଦିନର ଦାବି କୃଷି ବିଶ୍ୱବିଦ୍ୟାଳୟ ପ୍ରତିଷ୍ଠା ଘୋଷଶ କରିବେ କି ?
୪- ବେକାରୀ ସମସ୍ୟା ଦୂରୀକରଣ ପାଇଁ କଂଟାବାଞ୍ଜିରେ ରେଲ ୱାଗନ ପ୍ରତିଷ୍ଠାପାଇଁ କେନ୍ଦ୍ରକୁ ଚିଠି ଲେଖିବେ କି ?
୫- ଦେଓଗାଁ ବିଜୟାନନ୍ଦ ଚିନି କଳ କେବେ ସୁଦ୍ଧା କାର୍ଯ୍ୟକ୍ଷମ ହେବ ଘୋଷଣା କରିବେ ?
