ସମ୍ବଲପୁରରୁ ରମାକାନ୍ତ ବିଶ୍ବାଳ: ଅନୁସୂଚିତ ଜାତି ବର୍ଗର ଛାତ୍ରଛାତ୍ରୀ ମାନଙ୍କ ଉଚ୍ଚ ଶିକ୍ଷା ପାଇଁ ପୋଷ୍ଟମାଟ୍ରିକ ସ୍କୋଲାରସିପ ପାଞ୍ଚ ଗୁଣା ବୃଦ୍ଧି ହେବା ପ୍ରସଙ୍ଗରେ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଜ୍ଞାପନ କରିବା ସହ ରାଜ୍ୟର ଅନୁସୂଚିତ ଜାତିର ସାମାଜିକ ଓ ଆର୍ଥିକ ବିକାଶ ରେ ରାଜ୍ୟ ବାଧକ ସାଜିଛନ୍ତି ବୋଲି ଅଭିଯୋଗ କରିଛନ୍ତି ରାଜ୍ୟ ବିଜେପି ଅନୁସୁଚିତ ଜାତି ମୋର୍ଚ୍ଚା ର ସଭାପତି ବିଭୁପ୍ରସାଦ ତରାଇ |
କଚେରୀ ରୋଡ ସ୍ଥିତ ବିଜେପି କାର୍ଯ୍ୟାଳୟରେ ହୋଇଥିବା ଏହି ସାମ୍ବାଦିକ ସମ୍ମିଳନୀରେ ଶ୍ରୀଯୁକ୍ତ ତରାଇ କହିଛନ୍ତି ଯେ, ରାଜ୍ୟ ରେ ଭିଜିଲାନ୍ସ ଏଣ୍ଡ ମନିଟରିଙ୍ଗ କମିଟି ଓ ଷ୍ଟେଟ ସିଡୁଲକାଷ୍ଟ ୱେଲଫେୟାର ବୋର୍ଡର ଅଧ୍ୟକ୍ଷ ମୁଖ୍ୟମନ୍ତ୍ରୀ ଥିବା ସତ୍ତ୍ୱେ କମିଟି ଗୁଡିକ ଵୈଠକ ନହେବା ଦୁର୍ଭାଗ୍ୟଜନକ । ଏଥିସହ ଗତ ସାଡେ ୬ ବର୍ଷ ର ଶାସନ କାଳରେ କେନ୍ଦ୍ର ସରକାର ଅନୁସୂଚିତ ଜାତି ବର୍ଗର ଲୋକଙ୍କ ବିକାଶ ପାଇଁ ଅନେକ ଯୁଗନ୍ତକାରୀ ପଦକ୍ଷେପ ନେଇଥିବାରୁ ରାଜ୍ୟ ବିଜେପି ଅନୁସୂଚିତ ଜାତି ମୋର୍ଚ୍ଚା ର ସଭାପତି ବିଭୂପ୍ରସାଦ ତରାଇ କେନ୍ଦ୍ର ସରକାରଙ୍କୁ ଧନ୍ୟବାଦ ଜଣାଇଛନ୍ତି ।
