ବ୍ୟଙ୍ଗ ପତ୍ରିକା ‘ରସଗୁଲା’ ଉନ୍ମୋଚିତ
ଭୁବନେଶ୍ୱର : ତୈମାସିକ ବ୍ୟଙ୍ଗ ପତ୍ରିକା ‘ରସଗୁଲା’ର ୪ର୍ଥବର୍ଷର ପଞ୍ଚମ ସଂଖ୍ୟା ଭୁବନେଶ୍ୱରସ୍ଥିତ ବିଶ୍ୱ ଓଡ଼ିଆ ସମ୍ମିଳନୀ କାର୍ଯ୍ୟାଳୟଠାରେ ଉନ୍ମୋଚିତ ହୋଇଛି । ବିଶ୍ୱ ଓଡ଼ିଆ ସମ୍ମିଳନୀର ସଭାପତି ଡ଼ ମୁରଲୀ ମନୋହର ଶର୍ମା ମୁଖ୍ୟଅତିଥି ଭାବେ ଯୋଗଦେଇ ପତ୍ରିକା ରସଗୁଲା ଉନ୍ମୋଚନ କରି କହିଥିଲେ ଆଜିର ସମାଜରେ ମଣିଷ ରୋଗମୁକ୍ତ ହେବା ପାଇଁ ହାସ୍ୟବ୍ୟଙ୍ଗର ପ୍ରମୁଖ ଭୂମିକା ରହିଛି । ସବୁ କ୍ଷେତ୍ରରେ ଆଜିର ମଣିଷ ଚାପଗ୍ରସ୍ତରେ ରହୁଛି । ଛାତ୍ରମାନଙ୍କ ଠାରୁ ଆରମ୍ଭ କରି କର୍ମଜୀବି ଏବଂ ଅବସରପ୍ରାପ୍ତମାନେ ଆଜି ଚାପରେ ରହୁଛନ୍ତି ଏହି ଚାପ ଯୋଗୁ ରକ୍ତଚାପ ଠାରୁ ଆରମ୍ଭ କରି ମଧୁମେହ ଓ ହୃଦରୋଗ ସମସ୍ୟା ଭାରତ ବର୍ଷରେ ବଢ଼ି ଚାଲିଛି । ଏହି ପରିପ୍ରେକ୍ଷିରେ ହାସ୍ୟବ୍ୟଙ୍ଗ ଅମୋଘଔଷଧ ଭାବେ ଚାପଜନିତ ରୋଗକୁ ଦୂର କରିପାରିବ । ଏହି ଉତ୍ସବରେ ସମ୍ମାନୀତ ଅତିଥିଭାବେ ଯୋଗ ଦେଇଥିଲେ ଓଡ଼ିଶାର ବିଶିଷ୍ଟ ବ୍ୟଙ୍ଗକବି ଡ଼କ୍ଟର ଧର୍ମଛଡ଼ା ଏବଂ ବ୍ୟଙ୍ଗକବି, ଶାନ୍ତିରାଜେଶ, ହାସ୍ୟବ୍ୟଙ୍ଗ ପତ୍ରିକାର ସମ୍ପାଦକ ବାବାଜୀ ଚରଣ ଲେଙ୍କା ମଞ୍ଚ ପରିଚାଳନା କରିଥିଲେ । ପରିଶେଷରେ ଚିତ୍ତ ରଞ୍ଜନ ସାହୁ ଧନ୍ୟବାଦ ଅର୍ପଣ କରିଥିଲେ ।
